لقاء نادر.. نور الشريف يتحدث عن تهديده بالقتل وقصة حبه للأسلحة

إيمان مندور | فى حياة المشاهير

نور الشريف

الأربعاء , 12 أغسطس 2020 - 17:07 | اخر تحديث: الأربعاء , 12 أغسطس 2020 - 17:07

عرضت قناة "ماسبيرو زمان" لقاء للفنان نور الشريف عام 1990، من برنامج "قصر النجوم" الذي قدمه الإعلامي مدحت شلبي في بداياته في التليفزيون، والذي كان يستضيف خلاله أحد النجوم ويحاوره في غرف مختلفة.

في البداية استعرض شلبي عدة صور، ليعلق نور على كل منها، وكان أبرزهم صورة له في روما خلال تصوير أحد الأفلام، وظهر خلالها وقد رفع الجاكيت على رأسه ليحميه من البرد، وبيده رغيف خبز، مضيفا: "كانت درجة الحرارة 3 تحت الصفر، والشخصية ولد فقير في روما بيدور على شغل.. واللبس قطن خفيف لأن فقير، وأصر المخرج على عبد الخالق إني اقعد على الأرض في المطر، فكان عذاب عذاب.. السقعة طلعت على ضهري، وبقيت ادعي ربنا إن اللقطة دي تخلص بأي طريقة عشان هموت م البرد".

تابع: "وأتمنى محدش يمر باللي أنا مريت بيه في الصورة دي لأن تعبت جدا".

وعن الصورة التي جمعته بابنته سارة وزوجته بوسي، تحدث نور عن مدى السعادة التي شعر بها بعد أن أصبح أبا، قائلا: "من اللحظات الجميلة في حياة الانسان لما تخلف، صحيح الواحد أما يكون عايش حياة بدون التزام أسري ممكن تكون حياته جميلة في فترة من الشباب، لكن الحياة الأسرية جزء رئيسي من المتعة.. إن يكون عندك أولاد".

وبسؤاله عن أسباب دخوله مجال الإنتاج الفني، أكد أنه لكي ليتدخل في العمل ككل، ويخرج بالشكل الذي يرضيه، مضيفا: "ده مش عيب، لأن من مشاكل السينما غياب المنتج الفني الحقيقي، المنتج اللي يفهم في السيناريو واختيار الممثلين لبسهم شكلهم، وكل حاجة.. والسبب التاني إن ده حماية ليا إن لما ملاقيش حاجة في الشركات الأخرى يبقا عندي خط دفاع من خلال الشركة للسيناريوهات اللي بحضرها ببطء شديد".

وتابع: "عمري ما عملت أفلام مقاولات لا عملتها ولا هعملها".

وعن حبه لحمل الأسلحة باستمرار، قال نور: "رشدي أباظة هو اللي حببني في السلاح، كان بياخدني يمرني وخلاني أشتري طبنجة لما اتمرنت ابتديت أحبها.. مش بستخدمها في الشر.. وفي فترة من الفترات جاتلي تهديدات بالقتل في البيت، بسبب التمثيل. أنا راجل مؤمن بالله مبخافش، لكن محدش يجي يعتدي عليا أو على ولادي.. جالي كذا تهديد غامض بدون سبب، ويجي لعفاف راضي برضو مثلا، طب إحنا ضرينا المجتمع في ايه.. مكتوب في الرسايل دي التمثيل حرام ولازم تسيب التمثيل.. طب أنا عن قناعة مش هبطل فن أنا شايف إنه مش حرام".