من غرفة العمليات... رامز أمير ينشر صورة ويكشف تفاصيل إصابته الخطيرة

ولاء مطاوع | فى حياة المشاهير

رامز أمير

الأحد , 31 مايو 2020 - 23:36

كشف الفنان رامز أمير عن خضوعه لعملية جراحية خطيرة قبل قليل بسبب إصابة تعرض لها أثناء قيامه بأحد التمارين الرياضية.‏

نشر أمير عبر حسابه على Instagram صورة من غرفة العمليات وكتب معلقا: "بوييكا الغلابة اتنفخ يا رجالة، ، هتكلم معاكوا بجد ‏شوية، فكرت كتير قبل مقولكم عشان مكنتش عاوز ازعل اى حد بيحبنى، بس حسيت ان ممكن تجربتى دى تبقى مفيدة، تبقى دافع ‏لشخص محبط انه ميستسلمش لما يقع و الدنيا تكسره، دى اصابة خطيرة حبيتين من تمرين الباركور كنت مخبيها عليكم".‏

أضاف رامز: " و للأسف دى مش العملية الاولى بس ان شاء الله الأخيرة، بوقفة ربنا جنبى هوريكم ازاى ممكن تقع و تقوم تانى ‏وتبقى اقوى من الاول، هكمل الطريق اللى وعدت نفسى بيه و هعملكم أكشن متعملش عندنا فى السينما قبل كده، ربنا يقدرنى بس و ‏اعرف اشرفكم".‏

تابع: " وعشان خاطرى محدش يزعل و يقولى خاف على نفسك، انا عارف خطورة اللى انا بعمله من اول يوم و راضى الحمد لله ‏عشان انا بعمل الحاجة اللى بحبها، دعواتكم بقه عشان لسة شايلكم اكشن كتير فى الصندوق".‏
‎‎
يشار إلى أن رامز أمير شارك في سباق دراما رمضان 2020 بمسلسل "الاختيار".‏

‎"‎الاختيار" بطولة أمير كرارة وأحمد العوضى ودينا فؤاد وسارة عادل وضياء عبد الخالق وعدد كبير من ضيوف الشرف، تأليف ‏باهر ‏دويدار وإخراج بيتر ميمي وإنتاج شركة سينرجي‎.‎

يتناول المسلسل حياة أحمد صابر المنسي - قائد الكتيبة ‏‏103 صاعقة - الذي استشهد فى كمين "مربع البرث"، بمدينة ‏رفح ‏المصرية ‏عام 2017، أثناء التصدي لهجوم إرهابي في سيناء، ‏على أن يُظهر العمل العديد من الجوانب الاجتماعية والإنسانية ‏في ‏حياة البطل ‏الراحل‎.‎

اقرأ أيضا:

تسجيل صوتي- بحبه أكثر... دينا الشربيني تتحدث عن عمرو دياب

صور- بدون كمامة... محمد رمضان يحتفل بزفاف شقيقته