خاص من الزعيم للهضبة... آراء صادمة لزكي فطين عبد الوهاب في النجوم

إيمان مندور | فى حياة المشاهير

عادل إمام وزكي فطين وعمرو دياب

الثلاثاء , 14 أبريل 2020 - 20:04 | اخر تحديث: الثلاثاء , 14 أبريل 2020 - 20:04

منذ مطلع مارس الماضي، بدأ المخرج والفنان زكي فطين عبد الوهاب في الكشف عن العديد من الآراء الفنية الصادمة، لا سيما وأنها تتناول كبار النجوم بين التمثيل والغناء، الأمر الذي نتج عنه انتقادات واسعة ضده، سواء من الوسط الفني أو من الجمهور.

اقرأ أيضا: بعد شفائه … زكي فطين عبد الوهاب: هذه الفنانة لم تتركني أواجه السرطان وحيدا

عمرو دياب

البداية كانت مع الهضبة عمرو دياب، حيث كتب زكي فطين عبر حسابه على Facebook: "أنا عارف إن في ناس هتزعل من الكلام اللي هقوله، لكن بعد الهجوم الشرس على أغاني وموسيقى المهرجانات.. نفسي أفهم عمرو دياب الملقب بالهضبة .. بمناسبة إيه".

تابع: "أغانيه وألحانه وكلمات أغانيه هي هي من ٢٠ سنة .. ده إفلاس فني مابعده إفلاس.. أغاني المهرجانات فيها تجديد وابتكار وتنوع أكتر بكتير غصب عن الملحن الفذ حلمي بكر".

‎‎

بالطبح تسبب هذا التصريح في هجوم حاد على "زكي"، ليرد: "تعقيبا على الpost اللى كتبته عن أغانى المهرجانات وانتقادى لعمرو دياب.. واضح إن الناس فى مصر بتفهم الصراحة على إنها إهانة.. فى النهاية رأيى ده مجرد رأى مش أكتر.. ألاقى كومنتات فيها هجوم عليا وعلى شخصى لمجرد إنى قلت رأيى بصراحة.. الناس بتنجم الفنانين زى مايكونوا تابوهات".

ومع تزايد الهجوم عليه، حذف زكي المنشور بعد الانتقادات التي تعرض لها، وبرر موقفه كاتبا: "أغانى المهرجانات بتعجبنى لأن اللحن والايقاع فيها catchy وفيها مواضيع غير قصص الحب وعذاب الحب.. وكأن مفيش حاجة نتكلم عنها غير الحب.. بس لازم نعرف إنها أغانى أو فن مالوش علاقة بالطرب وده مش عيب.. زى ما الناس بتحكم عليهم".

أضاف: "نجوم المهرجانات وبقول نجوم مش (مطربى) المهرجانات بيعبروا عن واقع العشوئيات بتلقائيه وصدق.. مش أكتر.. زى ما عدويه غنى (السح الدح انبوه) واتهاجم وقتها بشراسه.. ورأيى فى أغانى عمرو دياب ده مش إهانة ده مجرد رأى..أنا شيلت البوست لأن من حقك تختلف معايا أو إنك ترى إنى ممثل فاشل.. ده حقك.. لكن الشتيمة مش من حقك".

ومع استمرار الجدل، والتساؤل حول سبب حذف المنشور، كتب زكي: "أنا ما مسحتش البوست اللي كتبته عشان بتراجع في موقفي.. خالص .. أنا مسحته ‏بسبب الكم الهائل من الشتايم بالأب والأم بأفظع الألفاظ من ألتراس عمرو دياب .. ومختلف مع الأستاذ الملحن حلمي بكر في هجومه ‏الشرس القاسي على نجوم "مهرجانات" .. نفسي أعرف إيه الجريمة اللي عملتها .. بجد".‏

‎‎

أوضح في منشور آخر موقفه من بعض أغاني والدته الفنانة ليلى مراد، كاتبا: "أنا كنت بسمع عمرو دياب ‏لغاية سنة ٢٠٠٠ .. بعد كده حسيت إنه ما بيقدمش جديد .. وده مجرد رأيي الشخصي .. وفيه ناس ممكن تبقى شايفة العكس ..إيه ‏الجريمة في ده؟ أنا طلعت في برامج قبل كده برغم قلتها وقولت" أنا في أغاني لأمى ما بحبهاش".‏

أضاف: "وبالذات الأغاني اللي فيها شجن وحزن .. أنا شايفها أكتر فى شحات الغرام وأبجد هوز وغيره .. وقولت إن أبويا ‏لما عمل أفلام فى سكة التراجيدى فشل بامتياز .. وفيه أفلام كوميدي عملها سقطت، إيه المشكلة؟".

‎‎

محمد سعد

أما الفنان محمد سعد، فقد أشاد زكي به، معربا عن أمنيته في أن لو كان والده حيا وقدّم عملا مع سعد، لكن أعماله في السنوات الأخيرة لم تحقق النجاح المطلوب، كاتبا: "أكتر ممثل كوميدى بيضحكني هو محمد سعد، رغم إن أعماله فى السنوات الأخيرة ما ‏حققتش النجاح المطلوب زي اللمبي واللي بالي بالك وعوكل، بس يظل هو أخف دم ، كان نفسى أبويا يبقى عايش ويعمل معاه ‏فيلم"‏.

‎‎

عادل إمام

الجدل الأكبر، كان عقب تصريح عبد الوهاب بأن الزعيم عادل إمام يعتمد على الكاريزما فقط، حيث كتب في البداية متسائلا: "سؤال من غير شتيمة لو سمحتوا، هو عادل إمام الملقب بالزعيم.. عمل ايه في السنوات الأخيرة، غير نفس الشخصية، نفس الدور، نفس الإيفيه".

فيما أجاب على نفسه في المنشور الثاني، كاتبا: "أعتقد إنه معتمد على الكاريزما، مش أكتر، الناس عايزة تشوف عادل إمام، ايا كان اللي بيقدمه".

‎‎

ومع تصاعد الانتقادات ضده، كتب زكي: "الناس اللي بيقولوا إنى بهاجم الفنان عادل إمام .. أنا انتقدت أدواره في الفترة الأخيرة لأنها متشابهة .. فده مش هجوم .. ورأيي ‏الشخصي إنه يتمتع بـ كاريزما قوية وده سبب استمراره على الساحة. وأرى أن أهم أعماله فيلم الحريف للراحل محمد خان، ومجموعة أفلام الثنائي الأستاذ وحيد حامد والأستاذ شريف عرفة .. ‏وأتمنى لمسلسل فالنتينو أن يكون على نفس المستوى اللائق بتاريخ عادل إمام.. وده مجرد رأي".‏

‎‎

وفي منشور آخر قال زكي فطين عبد الوهاب إن أخر أدوار عادل إمام القوية كان منذ عام 2006 من خلال فيلم "عمارة يعقوبيان" ‏وتابع: "أنا شخصيا ليا أدوار متكررة ومتشابهة كتير .. لأنى مش نجم صف أول .. هي دى الأدوار اللى بتتعرض عليا يا إما مفيش ‏شغل ..وبقيت حبيس دور" رجل الأعمال الفاسد" وماعنديش رفاهية الاختيار".‏

اختتم: "إنما النجم في السنوات الأخيرة .. بقى هو اللى بيختار عناصر العمل من كتاب لمخرج لترشيحات الأدوار التانية.. بقى هو ‏المسئول الأول والأخير .. وده مجرد رأي".‏

‎‎

إسماعيل يس

أما أفلام الفنان الكوميدي الراحل إسماعيل ياسين، فلم تسلم أيضا من النقد، حيث كتب زكي: "فى سنه أولى معهد سينما.. كان فيه أستاذ بيدرسلنا إن مجموعه أفلام إسماعيل ياسين.. كانت مجموعة أفلام هزلية بالدرجة الأولى.. لا ترتقي لتصنيفها كفن سينمائي بأي شكل من الأشكال.. كانت أفلام تجارية وكأنها سبة.. راجعوا تاريخ فطين عبد الوهاب وأعماله لتعرفوا من هو صانع البهجة الحقيقي لأجيال بعد أجيال.

اقرأ أيضا:

صور- زكي فطين عبد الوهاب في أول ظهور اجتماعي بعد شفائه من السرطان

زكي فطين عبد الوهاب يكشف تفاصيل زواجه من سعاد حسني... هذا رأي ليلى مراد