إيناس عز الدين ترد على تصريحات المتحدث باسم الصحة

إيناس عز الدين ترد على تصريحات المتحدث باسم الصحة

مي جودة | في الأخبار،حياة المشاهير تاريخ النشر: الثلاثاء ، 31 مارس 2020 - 6:46 | آخر تحديث: الثلاثاء ، 31 مارس 2020 - 6:49
إيناس عز الدين إيناس عز الدين
بعد تأكيدات الطبيب خالد مجاهد المتحدث باسم وزارة الصحة أن كل حالات المرض بفيروس كورونا أو الاشتباه فيها تعالج على نفقة الدولة، أصرت المطربة إيناس عز الدين أنها دفعت بالفعل أموالا لدخول مستشفى إمبابة للحميات.

بالفيديو- المتحدث باسم الصحة: إيناس عز الدين بصحة جيدة وننتظر نتيجة تحاليلها

كتبت إيناس عبر حسابها بموقع Facebook: "محمد فرعون انا هسيبك انت ترد على موضوع اني مجاني وما دفعتش ولا جنيه لانك انت اللي جيت و دفعت المبلغ تحت الحساب ده غير الادوية اللي انا ببعت اجيبها وبحاسب عليها بما فيهم ماسك جلسة النفس و حاجات تانية انا بلغت بيها امبارح دكتور خالد مجاهد تليفونياً و قاللي ازاي ده يحصل ومش مقبول طبعاً و اوعي تدفعي حاجة لكن الواقع اني دفعت".

وتابعت: "دلوقتي بقيت انا اللي وحشة وبتعامل مع الناس اللي بتشتغل في المستشفى بطريقة سيئة، مع ان سبحان الله الممرضات والناس كانوا قاعدين معايا دلوقتي بنتكلم ونهزر ويهدوني علشان موقف ما حصل لما دكتورة دخلت احتدت في الكلام بصورة غير لائقة وصدر منها تهديد صريح تجاهي وانا وقفت الموضوع عند حده بكل احترام".

وأضافت: "ده انا من امبارح عاملة زي النحلة واعمل فيديوهات اطمن فيها الناس و اهديهم وانا عايزة اللي يطمنني و اشكر في الحكومة و وزارة الصحة ومجهوداتها ولما اعترضت على شيء سلبي بقيت انا اللي وحشة لانه مش من حق حد يسلط الضوء على شيء سلبي ممكن يضيع مجهود كبير وكل ده لاني نشرت موقف حصل و ناشدت فيه الحكومة و الوزارة، يا ترى هطلع ايه تاني، يا سبحان الله".

‎صورة‎

وبعدها، أعادت نشر ما كتبه محمد فرعون الذي تولى دفع المبلغ المالي، وجاء به: "تعديل وتوضيح، أنا كنت بالمستشفي حاليا والموضوع عادي جدا وده روتين والفلوس اللي انا دفعتها تحت الحساب علشان تغير درجة الغرفة ومسجله باسمي هناك رسميا، أتمنى اللي يعلق يتكلم بأدب او بلاش حد يعلق عندي أفضل علشان مش لطيف الناس اللي بتشتم في بعضها عندي دي،انا لما بعمل مساعدة لاي حد في اي ظرف بتكون من غير ما حد يعرف بيها ومش حابب حد يتكلم عن موقفي خالص انا وضحت الامر وخلاص".

وأضاف: "الموضوع باختصار شديد، امبارح عرفت ان ايناس عز الدين عندها اشتباه باعرض الكورونا وتابعت الموضوع كله لانها في ازمة وانا اتعودت اني مش بسيب حد في ازمته.
احمد قمر كلمته وبلغته اني صاحي لو في اي حاجة وبدات افهمه ان الاشتباه مش معناه اصابة وباذن الله خير وهتعدي واني صاحي لحد ما اطمن علي ايناس".

وتابع: أحمد كلمني الساعة 3 الفجر ان مطلوب دفع مبلغ مالي 1500 تحت حساب المستشفي وعاوز يجي يدفع قلتله خليك انا رايح لاني جنب المستشفي ومش هينفع انت تنزل في الحظر.
بالفعل روحت في 10 دقايق مسافة ما دخلت الصيدليه وجبت كمامة وجلفز وزجاجة كحول علشان اكون في الأمان ودخلت المستشفي قبلت راجل بيكتب تذكرة المريض -الفايل المرضي- واخد الفلوس وطلعنا الدور الاول حجرة التمريض وسلم الفايل للممرضة وقالها تم تسديد المبلغ واخدو اسمي اني انا اللي دفعت، وسألت الفلوس دي ليه اتقالي لانها دخلت درجة اولي والفلوس علشان الغرفة وبس.،خرجت بعد ما كلمت ايناس بالموبايل واطمنت عليها وللصبح انا متابع مع احمد قمر عن الحالة".

‎صورة‎


يذكر أن إيناس عز الدين ظهرت في فيديو مباشر عبر حسابها بتطبيق Facebook في الساعات الأولى من صباح الاثنين 30 مارس لتؤكد أنها مصابة بفيروس كورونا بسبب عودتها من المغرب مؤخرا.

اقرأ أيضا

بالفيديو- من مستشفى العزل.. إيناس عز الدين ترد على المغرضين

بالفيديو- إيناس عز الدين تكشف سبب إصابتها بالكورونا وتتجه للعزل الصحي

مي جودة

3/31/2020 6:49:30 AM

https://www.filfan.com/

2004-2020 © FilFan.com يتم تطويره وإدارته بواسطة

clicking on ".search-btn" adds class "open" on "#search-overlay" clicking on ".close, .confirm" removes class "open" on "#search-overlay" clicking on ".social-btn" adds class "open" on "#social-overlay" clicking on ".close" removes class "open" on "#social-overlay"