مسكتلوش... تامر حسني يحكي موقفا مع شاب مستهتر بفيروس كورونا

نهال ناصر | فى حياة المشاهير

تامر حسني

الخميس , 19 مارس 2020 - 16:19 | اخر تحديث: الخميس , 19 مارس 2020 - 16:19

عبر الفنان تامر حسني عن استيائه من تصرفات بعض الشباب خلال مواجهة أزمة فيروس كورونا.

عبر صفحته على Facebook حكى حسني موقفا حدث أمامه، ولم يستطع أن يجعله يمر.

قال: "أنا شوفت موقف قدامي صدمني مش قادر محكيهوش، شوفت واحد بيقول لصاحبه:(ياد شيل الماسك ياد واسترجل).
طب هو عشان في وجهة نظر حضرتك يسترجل فيكون سبب في موته وموتك وضرر كل من حوله معقول كل دول العالم المتطوره مؤمنه بالوقايه دي وإحنا بقى اللي عندنا الفهلوه والمفهومية كلها اللي بيتريقوا على الوقاية دي".

كيف تفاعل المشاهير مع أزمة كورونا من البداية إلى الآن؟

تابع، "أكيد مسكتلوش وفهمته على قد ما أقدر وفهمته يا سيدي لو حتى أنت من الناس اللي بتقول دا وهم مش هتخسر حاجة لما تاخد كوكب الأرض بالكامل على قد عقله وتحافظ على نفسك الكام يوم دول بس المشكلة إن في منه كتير بيفكروا زيه".

أكمل، "عشان كدا كلنا لازم نتكلم كتير مع كل الناس ولو النزول للضرورة القصوى عشان طبيعة شغل الناس اللي باليومية فنلتزم بكامل تعليمات الوقاية، أرجوكم اتكلموا كتير مع الناس عشان نوعي أي حد مش حاسس بالخطورة لازم نلتزم ونقعد في البيت 14 يوم يا ناس عشان نسيطر على انتشاره وميتحولش لوباء الصين انتصروا على الوباء لما التزموا ومنزلوش الشوارع نهائي، ولو في ناس شغالة بيوميات لازم توصلهم يومياتهم لحد عندهم من باب الرحمة عشان ربنا يرحمنا وأنا بدأت بنفسي وعملت كدا وأكتر من كدا".

رامي جمال يتبرع لمستشفيات العزل في الدقهلية والقاهرة

اختتم كلامه: "يا جماعة دا إن شاء الله اختبار من ربنا وهننجح فيه لو اتعاملنا معاه صح وبمنتهى الرحمة والتعب وارد يحصل لأي حد فينا وهيخف إن شاء الله زي ما آلاف خفوا، وخفوا من أمراض أكتر من كدا بمليون مرة ودا مش أول وباء عالمي يمر على البشر وغيرنا مر بأكتر منه، دي فرصة للي مقصر في حق ربنا إنه يقرب منه تاني، أهو دا جانب إيجابي لازم نشوفه لازم نشوف أن الصعوبات دي بتشيل من علينا كتير عند ربنا وربنا هيعوضنا خير عنها إن شاء الله ومننساش ندعي ربنا كتير لأنه هو خالق كل الكائنات دي وقادر إن يوقفها بمشيئته".

على جانب آخر، كان تامر حسني أعلن عن إلغاء جميع حفلاته المقبلة خلال شهري مارس وأبريل‎.‎

وكتب الآتي: "حرصا على السلامة العامة للمجتمع وتماشيًا مع الإجراءات الاحترازية لجمهورية مصر العربية بوقف كافة الحفلات ‏والتجمعات، بشكرهم كل الشكر على هذا القرار السليم حرصا على مصلحة الناس‎".

اقرأ أيضا:

إصابة أول فنانة عربية بفيروس كورونا

بسبب كورونا... أحمد فهمي ساخرا: اجتنبوا بيومي فؤاد