تعليق نجوم الفن على فيديو المواطن الصيني المثير للجدل

إيمان مندور | فى حياة المشاهير

تعليق نجوم الفن على أزمة المواطن الآسيوي

الثلاثاء , 10 مارس 2020 - 12:03 | اخر تحديث: الأربعاء , 11 مارس 2020 - 11:03

جدل كبير أثير على مواقع التواصل الاجتماعي عقب تداول فيديو لسائح صيني في القاهرة، يتعرض للتنمر والمضايقات في أحد الشوارع، بسبب تحريض مصوري المقطع لسائقي سيارات الأجرة ضده، وتخويفهم من احتمال إصابته بفيروس كورونا.

اقرأ أيضا: شاهد- بسبب كورونا... بسمة وهبة تمنع "الشيشة" في مطعمها

تفاعل عدد كبير من نجوم الفن مع الفيديوهات المتداولة حول هذا الموقف، وأبدى الجميع استائهم الشديد مما حدث، لذا نستعرض فيما يلي أبرز تعليقاتهم.

أحمد السقا

نشر الفنان أحمد السقا عبر حسابه على Instagram، صورا للمواطن الآسيوي صاحب الواقعة، وعلّق كاتبا: "دي مش أخلاقنا يا مصريين. حقك علينا.. ويا ريت كل واحد يقف جنب واحد زي ده. لا للتنمر ولا للعنصرية. إحنا أكبر وأجدع من كده بكثير. حقق علينا وياريت اللي يعرف يوصل للرجل ده يتواصل معايا".

View this post on Instagram

دي مش اخلاقنا يا مصريين. حقك علينا ❤️ و يا ريت كل واحد يقف جنب واحد زي ده. لا للتنمر و لا للعنصرية. احنا اكبر و اجدع من كده بكثير. حقق علينا.و يا ريت اللي يعرف يوصل للرجل ده يتواصل معايا. #notoracism

A post shared by Ahmed ElSaka (@ahmedelsakaeg) on Mar 9, 2020 at 3:34pm PDT

أمير طعيمة

علّق الشاعر والكاتب أمير طعيمة على الأزمة، كاتبا عبر حسابه على Facebook: "اللي حصل مع السائح الصيني شئ مؤلم إنسانيا بس وصفه بعنصرية خطأ، اللي حصل ده وصفه الدقيق فوبيا وخوف من مرض ملوش أي صلة بالشخص نفسه ونفس الشخص ده من شهرين مكانش هيحصل معاه كده عشان نقفل موضوع عنصرية ده".

تابع: "لو حد قاعد في مكان وصاحبه الي جنبه عطس هيخاف وهيبعد عنه..؟ كل ما في الأمر إنه كشخص من بلد هي منشأ المرض و٩٠٪؜ من الإصابات في بلده ده عمل للناس الحالة دي.. مش بدافع عن التصرف بس كفاية استخدام لفظ ارهابيين وعنصريين علي أنفسنا بقي".

واختتم طعيمة حديثه متسائلا: "بعيدا عن المثالية كام واحد لو كان في الشارع كان علي استعداد يركب السائح الصيني ويركبه معاه ؟!".

أحمد صفوت

الفنان أحمد صفوت كان له نفس رد الفعل الغاضب، حيث أعرب عن أسفه لما حدث، كاتبا عبر حسابه على Twitter: "للأسف اختلط عندنا خفة الدم بالتنمر ... انا آسف ليك جدآ".