ياسمين عبد العزيز تتجاهل أزمة شقيقها... هكذا ظهرت في كواليس تصوير "ونحب تاني ليه"

ولاء مطاوع | فى سينما وتلفزيون

ياسمين عبد العزيز

السبت , 7 مارس 2020 - 15:19 | اخر تحديث: السبت , 7 مارس 2020 - 15:22

بدت الفنانة ياسمين عبد العزيز في حالتها الطبيعية رغم الأزمة التي بدأها شقيقها الممثل وائل عبد العزيز، بعد انتقاده لها بسبب ‏علاقتها بالممثل أحمد العوضي‎.‎

نشرت ياسمين عبد العزيز عبر حسابها الخاص على Instagram، مقطع فيديو من كواليس تصوير مسلسل "ونحب تاني ليه" الذي من ‏المقرر عرضه في رمضان 2020، وظهرت خلال الفيديو مبتسمة وهي تمازح الفنانة علا رشدي التي تشاركها بطولة المسلسل.‏

View this post on Instagram

تصوير بنحب تاني لية ؟؟ ❤️😄

A post shared by Yasmin Abdelaziz (@yasminabdelaziz_) on Mar 7, 2020 at 4:50am PST

كان أحمد العوضي قد رد على شقيق ياسمين كاتبا: "أنهي بيت اللي أدخله من بابه.. إن كانت هي اللي بتصرف عليك وعلى ابنك اللي ‏مخبيه وراميه وهي بتدفع له مصاريف مدرسته‎".‎

وجاء ذلك ردا على ما وجهه الفنان وائل عبد العزيز من انتقادات قاسية لشقيقته، كاتبا: "هنهرتل وتروحي تعرفي واحد أصغر منك بـ ‏‏10 سنين لا من سنك وتتصوري صور مالهاش أي ‏لازمة على حساب سمعتك وسمعتنا لا ومحدش هيسمح، من إمتى واحنا بنعمل ‏أعياد ميلاد وتنزل علي السوشيال ميديا، من إمتي ‏الناس بتجيب في سيرتنا !؟ ونقعد نتعاكس علي السوشيال ميديا".‏

وتابع: "ومع ذلك حياتك وأنتي حرة فيها، أنا هتكلم على الشق الي يخصني، أنتي مقاطعه كل العيلة عشان تعملي الي على مزاجك ‏‏.. ‏إحنا دلوقتي عايزين نفهم العلاقه دي إيه و رايحة على فين".‏

استطرد شقيق ياسمين عبد العزيز: "أما بالنسبة للأخ الي ماشي وراكي في كل حتة وشايفك البيضة الدهب الي هتفقسله كل يوم ‏أحب ‏أقولك يا راجل لما تيجي تدخل بيت تدخله من بابه يا راجل !! وتقعد مع رجالة البيت !!..دي الأصول وده الاحترام .. وطبعا ‏لأنك ‏عارف إنك مرفوض رفضا باتا فعمرك ما هتعمل ده ومعندكش غير طريق الشمال الي أنت سالكه من سنين مع بنات الناس".‏

اختتم وائل حديثه بقوله: "أنا من رأيي كفاية عليك البطولة الي أخدتها والعربية المرسيدس الهدية .. وتركز في شغلك وتسيبنا في ‏حالنا ‏لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".‏

مسلسل "ونحب تاني ليه" بطولة ياسمين عبد العزيز وكريم فهمي وشريف منير وعلا رشدي وتأليف عمرو محمود ياسين ‏وإخراج ‏مصطفى فكري، إنتاج شركة "سينرجي" لمالكها تامر مرسي‎.‎

اقرأ أيضا:

إلهام شاهين تناقش قضية "زنا المحارم" في فيلمها الجديد

شقيق ياسمين عبد العزيز عن العمل مع ريهام حجاج: أنا حر