خاص عايز يخفيني من الصورة... عمر كمال يكشف تفاصيل خلافه مع حسن شاكوش

إيمان مندور | فى حياة المشاهير

عمر كمال وحسن شاكوش

الأربعاء , 12 فبراير 2020 - 19:02 | اخر تحديث: الأربعاء , 12 فبراير 2020 - 19:02

نجاح كبير حققته أغنية "بنت الجيران" لعمر كمال وحسن شاكوش، إذ تصدرت تريندات مواقع التواصل الاجتماعي خلال الآونة الأخيرة، وسط إشادات كثيرة من نجوم الفن.

اقرأ أيضا: أعمال عمر كمال قبل "بنت الجيران"... أبرزها مع هاني شاكر وحمادة هلال

لكن رغم النجاح المستمر للأغنية، إلا أن الخلافات بدأت تتصاعد بين نجميها، لا سيما عقب المنشور الذي كتبه عمر صباح اليوم، عبر حسابه على Facebook، واتهم فيه شاكوش بسرقة مجهوده.

روى عمر لـ FilFan.com تفاصيل الأزمة، موضحا أنه شريك أساسي في النجاح الذي حققته "بنت الجيران"، ورغم ذلك لم يلتفت له الإعلام مثل حسن، قائلا: "الإعلام والدنيا كلها رايحة في حتة لوحدها وحسن شاكوش عايز يخفي عمر عن الصورة.. النهاردة هو كتب على اليوتيوب (مهرجان بنت الجيران بهوايا إنتي قاعدة معايا) عشان يمسح خالص الكوبليه بتاعي ويمسح عمر من الصورة".

تابع: "أنا بتكلم إن هو بيتكلم ومفيش ذكر لعمر كمال ولا لأي حاجة، البرامج كلها مفيش أي ذكر لعمر كمال طب ليه طيب.. ليه هو أنا مش شريك نجاح في الأغنية دي.. ولا أنا عشان مبقولش أصل فلان كلمني أصل فلان عمل !".

أكد عمر أنه يحب حسن رغم كل الخلافات، مضيفا: "حسن ده أنا بعشقه ده حبيب قلبي.. بس يا حسن أنت لولا عمر فرشلك الفرشة مكنتش هتظهر .. ما أنا اللي بقولك القرار بتاعك عشان أنت تلمع فوق .. الأغنية جابت 85 مليون مشاهدة أنا ما اخدتش منها قرش واحد.. أنا مسألتكش في حاجة ومش هسألك.. بس تديني حقي الأدبي حتى".

يذكر أن عمر كمال وحسن شاكوش قدما مؤخرا مهرجان "بنت الجيران"، ولاقى نجاحا جماهيريا كبيرا، فخلال شهرين تقريبا، شوهدت أكثر 80 مليون مرة على موقع YouTue فقط، بينما حصدت المركز الثاني في قائمة الأغاني الأكثر استماعا عبر ساوند كلاود.

اقرأ أيضا:

بالفيديو- على أنغام "بنت الجيران".. عمرو أديب يرقص على الهواء

فيديو- نادين نسيب نجيم ترقص على مهرجان "بنت الجيران"‏