لقاء الخميسي تتساءل: مستقبلي ولا مستقبل ولادي؟

إيمان مندور | فى حياة المشاهير

لقاء الخميسي

الأربعاء , 12 فبراير 2020 - 15:24

تحرص الفنانة لقاء الخميسي على مشاركة الجمهور بالعديد من الصور والفيديوهات عبر حساباتها على مواقع الاجتماعي، من آن لآخر.

نشرت لقاء صورا جمعتها بأولادها وزوجها، وذلك عبر حسابها على Instagram، وعلّقت كاتبة: "السؤال الأبدي اللي بيزن طول الوقت في دماغ الست العاملة الطموحة .. مستقبلي ولا مستقبل ولادي؟ أنجح وأحقق أحلامي.. وطبعاً دا متعارض مع الاهتمام بالأولاد في الزمن والوضع المزدحم المشحون اللي احنا فيه.. ولا اخد بالي من ولادي وأنسى أحلامي؟!".

اقرأ أيضا: فينك يا عبد المنصف... لقاء الخميسي ترد على الحاقدين

تابعت: "سؤال صعب جدا.. الحقيقة إن لازم يكون في إجابة واضحة لسؤال أهم.. أحب نفسي أكتر ولا أحب ولادي أكتر؟! هنا الدماغ بيقف وحياة الست بتبقى مليانة صراعات نفسية كبيرة وبالتالي جسدية.. الحقيقة على حسب إنتي بتحبي نفسك أكتر ولا بتحبي عيالك أكتر ولا بتحبي نفسك في عيالك! طالما اخترنا نبقى أمهات.. مجبرين إن الأولوية تبقى للولاد، حتى لو في يوم من الأيام هيمشوا ويسيبونا ويبقى ليهم حياتهم.. حتى لو هانبقى لوحدنا ومش هانبقى حققنا أحلامنا ووقفنا في نص الطريق".

أضافت لقاء: "طالما اخترنا لازم نبقى قد الاختيار طالما الاختيارات بتتعارض مع بعضها وإن لازم وحتماً اختيار يعلى على التاني.. سؤال دايماً كنت بأساله لنفسي: مستقبلي وحلمي ولا مستقبل ولادي وحلمهم؟ الحقيقة إني بعد صراع نفسي كبير وصلت إن مستقبلي ونجاحي هو نجاح ولادي اللي هما كل قلبي وروحي واللي هما انا .. لقاء.. اه نفسي اعيش واستمتع واتحقق وأحلم واعمل اللي ما يتعمل.. بس للاسف دا كان ينفع لو كنت اخترت اني ابقى سينجل".

اقرأ أيضا: بفيديو رومانسي... لقاء الخميسي تحتفل بعيد ميلاد زوجها

استطردت: "لكن طالما الاختيار كان فيه أولاد يبقى نفذ السيف.. الولاد هما النجاح الحقيقي اللي دايماً مابنبقاش واخدين بالنا منه في ظل صراعاتنا للوصول لأحلامنا الكبيرة وتضحياتها.. الولاد هما الحلم الحقيقي. والحقيقه ان ماحدش بياخد كل حاجة، ممكن ابقى ميجا ستار وولادي ضايعين وممكن ابقى ممثله مهمة وموهوبة ومحترمة وولادي ناجحين، وممكن اختار اني ابقى نجمه وبلاها أولاد".

View this post on Instagram

السؤال الأبدي اللي بيزن طول الوقت في دماغ الست العامله الطموحة .. مستقبلي والا مستقبل ولادي ؟ انجح وأحقق أحلامي - وطبعاً دا متعارض مع الاهتمام بالأولاد في الزمن والوضع المزدحم المشحون اللي احنا فيه - والا اخد بالي من ولادي وأنسى أحلامي ! سؤال صعب جدا الحقيقه ان لازم يكون في اجابه واضحة لسؤال اهم ! احب نفسي اكتر والا احب ولادي اكتر . هنا الدماغ بيقف وحياة الست بتبقى مليانه صراعات نفسيه كبيره وبالتالي جسديه . الحقيقه على حسب انتي بتحبي نفسك اكتر والا بتحبي عيالك اكتر والا بتحبي نفسك في عيالك ! طالما اخترنا نبقى امهات .. مجبرين ان الاولويه تبقى للولاد ، حتى لو في يوم من الايام هايمشو ويسيبونا ويبقى ليهم حياتهم .. حتى لو هانبقى لوحدنا ومش هانبقى حققنا أحلامنا ووقفنا ف نص الطريق . طالما اخترنا لازم نبقى اد الاختيار طالما الاختيارات بتتعارض مع بعضها وان لازم وحتماً اختيار يعلى على التاني . سؤال دايماً كنت بأساله لنفسي : مستقبلي وحلمي والا مستقبل ولادي وحلمهم . الحقيقه اني بعد صراع نفسي كبير وصلت ان مستقبلي ونجاحي هو نجاح ولادي اللي هما كل قلبي وروحي واللي هما انا .. لقاء اه نفسي اعيش واستمتع واتحقق وأحلم واعمل اللي ما يتعمل ! بس للاسف دا كان ينفع لو كنت اخترت اني ابقى سينجل . لكن طالما الاختيار كان فيه أولاد يبقى نفذ السيف ! الولاد هما النجاح الحقيقي اللي دايماً مابنبقاش واخدين بالنا منه في ظل صراعاتنا للوصول لأحلامنا الكبيرة وتضحياتها ! الولاد هما الحلم الحقيقي . والحقيقه ان ماحدش بياخد كل حاجه . ممكن ابقى ميجا ستار وولادي ضايعين وممكن ابقى ممثله مهمة وموهوبة ومحترمة وولادي ناجحين وممكن اختار اني ابقى نجمه وبلاها أولاد ! #عيلتي_النجاح #نجاحي_مستقبلهم♥️

A post shared by Lekaa Elkhamissi (@lekaa.elkhamissi) on Feb 12, 2020 at 4:07am PST

يشار إلى أن لقاء الخميسي، كانت قد شاركت مؤخرًا، كضيفة شرف في فيلم التحريك "الفارس والأميرة"، كما قدمت أغنية الفيلم ‏التي تتضمن رسالته‎.

فيلم الرسوم المتحركة "الفارس والأميرة" عرض بالدورة الثالثة بمهرجان الجونة، وهو من تأليف وإخراج ‏بشير الديك، وشارك في الأداء الصوتي عدد من الفنانين ومنهم مدحت صالح، دنيا سمير غانم، محمد هنيدي، ‏عبلة كامل، ماجد الكدواني إلى جانب عبد الرحمن أبو زهرة‎.

اقرأ أيضا:

صفحة مانشستر سيتي تستعين بأغنية رامي جمال "سقف"

من داخل غرفة العمليات.. فيديو مثير للجدل لمحمد رمضان