بالفيديو- مش هنشر صورتك... بسمة وهبة تهدد لاعب كرة

بالفيديو- مش هنشر صورتك... بسمة وهبة تهدد لاعب كرة

إيمان مندور | في الأخبار،حياة المشاهير تاريخ النشر: الأربعاء ، 22 يناير 2020 - 14:59 | آخر تحديث: الأربعاء ، 22 يناير 2020 - 15:0
بسمة وهبة بسمة وهبة
انتقدت الإعلامية بسمة وهبة، لاعب كرة قدم في نادي مصري شهير، بسبب عدم التزامه وانضباطه، خاصة ما هو معروف عنه بشأن سهراته الليلية باستمرار.

أوضحت بسمة خلال برنامجها "كل يوم" على قناة ON E، أن هذا اللاعب الذي يبدأ اسمه بحرف الصاد "مصنش العشرة"، على حد تعبيرها، مضيفة: "ولا افتكر السنين الحلوة اللي قضاها جوا ناديه، لاعب موهوب وخد كل الدعم من النادي ومن الجماهير.. خد دعم ومساندة مخدهاش لاعب غيره ومع ذلك صمم على الفشل وخذل كل اللي وقفوا جنبه".

تابعت: "قرر يكمل في طريق الضياع.. وأهل الكورة عارفين إن الالتزام هو اللي بيخلي لاعب كورة يبقا في السما زي صلاح.. وعدم الالتزام هو اللي بيدمر مواهب كتيرة زي اللاعب اللي بنتكلم عنه النهاردة.. مركون على الدكة وعنده مشاكل كتير، رغم إنه في نادي أي لاعب في مصر يتمنى بس يعدي من قدامه".

ووجهت بسمة حديثها للاعب قائلة: "ده أنت أكتر لاعب ناديه صبر عليه في مصر، وكان كل الناس بتحسدك على صبر ناديك عليك على غير العادة، تقوم في عز ما الناس كلها واقفة في ضهرك وعاوزه تساعدك عشان تقف على رجلك، تروح آخر الأسبوع اللي فات تسهر للصبح أنت عارف فين ها!! عند كورنيش النيل الجيزة.. افتكرت؟ كسبت ايه بقا من اللي انت عملته هناك واللي انت كنت فيه ده، طب شكلك ايه قدام الناس اللي كانت قاعدة قدامك وجمهورك ؟!".

واستكملت حديثها: "لعلمك أنا مرضيتش انزل صورتك عشان الناس اللي كانت معاك، بس المرة الجاية هقول اسمك فخلي بالك".



يشار إلى أن بسمة وهبة، بدأت مؤخرًا، تقديم الموسم الجديد من برنامج "كل يوم"، بمشاركة الإعلامي خالد أبو بكر، عبر شاشة ON E.

اقرأ أيضا:


شاهد- مدير "القصر العيني" يروي تفاصيل ما حدث مع خالد النبوي

هدى المفتي عن الشرنوبي: زي أخويا.. ومحبش اسمي يرتبط بحد


كلمات متعلقة بسمة وهبة

إيمان مندور

1/22/2020 3:00:41 PM

https://www.filfan.com/

2004-2020 © FilFan.com يتم تطويره وإدارته بواسطة

clicking on ".search-btn" adds class "open" on "#search-overlay" clicking on ".close, .confirm" removes class "open" on "#search-overlay" clicking on ".social-btn" adds class "open" on "#social-overlay" clicking on ".close" removes class "open" on "#social-overlay"