دفن جدتها ونفى الزواج منها... دنيا عبد العزيز تتحدث عن فاروق الفيشاوي

دفن جدتها ونفى الزواج منها... دنيا عبد العزيز تتحدث عن فاروق الفيشاوي

إيمان مندور | في الأخبار،حياة المشاهير تاريخ النشر: السبت ، 11 يناير 2020 - 19:12 | آخر تحديث: السبت ، 11 يناير 2020 - 19:12
الفيشاوي ودنيا عبد العزيز الفيشاوي ودنيا عبد العزيز
تحدثت الفنانة دنيا عبد العزيز عن علاقتها بالفنان الراحل فاروق الفيشاوي، لا سيما ما كان يردده البعض حول زواجها منه، والعلاقة العاطفية التي جمعتهما.

أوضحت دنيا خلال حوارها مع الإعلامية راغدة شلهوب ببرنامج "تحيا الستات" على قناة النهار، أنه عندما خرجت شائعة زواجهما ردت وقتها على الفور ونفت ذلك، وهو ما قام به الفيشاوي أيضا، قائلة: "ردينا على طول ساعتها لأن دي حاجة لازم الناس تعرفها.. ده جواز يعني حاجة متتخباش، أنا رديت وقولت ده محصلش وهو يا حبيبي ساندني ونفى وقال دنيا زميلة وزي بنتي.. وحقيقي هو من أهم البني آدمين اللي كانوا في حياتي".

تأثرت دنيا خلال الحلقة وكادت تبكي، عندما عرضت صورة الفيشاوي، مؤكدة أنها فقدت الأمان برحيله، لأنه كان مصدر أمانها الحقيقي ووقف إلى جانبها في مواقف عديدة، مضيفة: "وقف جنبي كتير.. هو جدع وأنا اتعلمت الجدعنة منه، اتعلمت منه يعني إيه أي عزا أروحه أي فرح أروحه أي حد تعبان ابقا جنبه، فاروق هو اللي دفن جدتي هو اللي نزل التربة ودفنها بإيده، ليه مواقف متتنسيش معايا ومع غيري".

تابعت: "في مرحلة ما في حياتي هو وقف جنبي لأن كنت تعبانة نفسيا جدا، لأن حصلتلي ظروف قاسية وكنت صغيرة على الظروف دي، وهو وقف جنبي وقالي لازم تقفي على رجليكي عشان أمك وعشان جدتك ولازم تشتغلي.. هو اللي قواني، وهو اعتبرني بنته وأنا كنت غالية عنده جدا زي ما هو غالي عندي جدا، هو مش هيتعوض".



يذكر أن الفنان فاروق الفيشاوي رحل عن عالمنا رحل عن عالمنا يوم الخميس 25 يوليو، عن عمر يناهز 67 عاما، بعد صراع طويل مع المرض.

اقرأ أيضا:


حسن شاكوش... نجم المهرجانات الذي لعب للإسماعيلي وبدأ مع أحمد مكي

فيديو يكشف حقيقة ما حدث في منزل نانسي عجرم

إيمان مندور

1/11/2020 7:12:24 PM

https://www.filfan.com/

2004-2020 © FilFan.com يتم تطويره وإدارته بواسطة

clicking on ".search-btn" adds class "open" on "#search-overlay" clicking on ".close, .confirm" removes class "open" on "#search-overlay" clicking on ".social-btn" adds class "open" on "#social-overlay" clicking on ".close" removes class "open" on "#social-overlay"