نشرت الفنانة ميس حمدان، مقطع فيديو جديد عبر حسابها على Instagram، ظهرت خلالها بإطلالة مختلفة حيث ظهرت مرتدية بذلة الجوكر الشهيرة الحمراء، ووضعت المكياج الخاص بالشخصية.
اقرأ أيضا: أول رد من Google على GPS بدرية طلبة
خلال الفيديو قلدت ميس، الجوكر، من خلال الرقص والضحك والحركات، وعلقت متحدثة عن العلاقة بين تفكيرها في ترك الفن لعدم تحقيقها ما كانت تحلم به، وبين موقف الجوكر من عدم الوصول لما يطمح إليه، إذ كتبت: "معظمنا شاف فيلم الجوكر وفي اللي حبه وفي اللي كرهه. بس اللي محدش اختلف عليه إن الفيلم لمسنا وعبر عن مشاعرنا في فترة من فترات حياتنا ممكن نسميها فترة البؤس والظلم وعدم التقدير وإن الحياة جاية عليك وإن الواسطة مهمة عشان توصل وإن ليه ربنا بيعمل معايا أنا كدة بالذات دون الناس وإيه الدرس المستفاد!؟ والحيرة في اتخاذ القرارات في طب وبعدين والحياة رايحة بيه لفين وإيه الصح وإيه الغلط وبالنسبة ليه؟".
أضافت: "السؤال كان أسيب الفن وأشتغل حاجة تانية عشان مش حاسة إني بحقق الحلم الوردي اللي كنت بحلم بيه؟! وهكذا الفرق بينا وبين بطل الفيلم إنه كان عنده مرض مزمن مانعه إنه يعبر ويفكر ويطور ويحاسب ويحاول ويخطط ويقيم نفسه، لكن إحنا معظمنا عندنا العقل اللي يخلينا نعرف إن الحياة صعبة ومش وردي، ولازم تفشل كتير عشان في الآخر تنجح لو حتمشي المشوار لوحدك من غير دعم".
تابعت: "في نهاية السنة الجديدة أحب أقول إن أنا جوكر نفسي وحكون جوكر كسبان حتى لو بعد حين، حتى لو كل الظروف مشيت عكس التيار وحاولت تدمر طموحي وأحلامي اللي لسه محققتش منها كتير، وحعمل اللي عليه بالطريقة اللي ترضيني سواء في الفن أو بره وربنا كريم".
يذكر أن آخر أعمال ميس حمدان كان في مسلسل "شيء من الماضي". كما قدمت في 2018 أول أعمالها الأردنية من خلال مسلسل "نوف".
اقرأ أيضا:
مي العيدان تهاجم أحمد الفيشاوي بسبب صورة ابنته العارية
صورة- أحدث ظهور لشقيق مي سليم وميس حمدان