تعجب الفنان رامي جمال من بعض الأشخاص الذين يغضبون عند معاملتهم بنفس الطريقة التي يتعاملون بها مع الآخرين.
نشر رامي جمال عبر حسابه الخاص على Instagram، سؤالًا: "هي ليه الناس بتزعل لما نعاملها بمعاملتها؟ ليه دايما منتظرين العطاء من جانب واحد؟ ليه دايما واثقين إننا هنفضل نستحمل ومش هيبقى لنا رد فعل أو هنتغير؟ مفيش مكان في حياتي لأي حد مؤذي من النهاردة مهما كانت أهميته، كفاية".
علق رامي جمال على صورة التغريدة التي نشرها قائلًا: "مش معنى الاحترام إن الواحد يعيش ساذج مش معنى تفويت أخطاء الآخرين إني غير قادر على الرد مفيش سلبية تاني النفسيه مش ناقصة".
تلقى رامي جمال الكثير من التعليقات المؤازرة والمؤيدة لوجهة نظره الأخيرة من متابعيه.
كان رامي جمال كشف عن إصابته بمرض البهاق وكتب عبر حسابه الخاص على Facebook، إيضاحًا حول حالته الصحية، قائلًا: "الحمد لله الذي أحبني فابتلاني، وأقدرني على الصبر من فترة ظهرت بقع بيضا في جسمي وبالكشف عرفت إنه البهاق، وجربت انواع علاج كتير ودكاترة كتير ومفيش فايدة، رضيت وسلمت أمري لله علشان عرفت إن الزعل بيزوده وكفاية شغلانتي وصعوبتها والقلق الدائم من المستقبل".
تابع: "وفعلا بقى بيزيد لدرجة لفتت نظر ناس كتير اللي بقى يقولي هتتعامل إزاي وأنت فنان واللي يخاف يسلم واللي يسألني هو ده معدي، أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها لدرجة خلت ناس تقول لي شوف بيزنس تاني أعمله علشان الناس مش هتقبلك كده".
أضاف رامي جمال: "فكرت في كلامهم بصراحة ولقيت إن عندي حلين يا فعلا شكرا لحد كده على الشغلانة دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي بنا ابتلاهم بيه من نظرة إن شكله غريب الحمد لله على نعمة الأهل لأنهم الوحيدين اللي بيقبلوا الواحد زي ما هو، طولت عليكم بس قولت أشرككم في حياة فنان".
اقرأ أيضًا:
رامي جمال: عدم الغناء كان شرطي للزواج
رامي جمال لتامر حسني: أنت إنسان سليم وتامر يرد: وأنت فنان حقيقي