رامي جمال: عدم الغناء كان شرطي للزواج

رامي جمال: عدم الغناء كان شرطي للزواج

إيمان مندور | في الأخبار،حياة المشاهير تاريخ النشر: الثلاثاء ، 3 ديسمبر 2019 - 13:29 | آخر تحديث: الثلاثاء ، 3 ديسمبر 2019 - 13:58
رامي جمال وزوجته رامي جمال وزوجته
بعد إعلان إصابته بمرض البهاق والجدل الكبير الذي أثير حوله، حل الفنان رامي جمال ضيفا على برنامج "صاحبة السعادة" الذي تقدمه الفنانة إسعاد يونس على قناة dmc.

تحدث رامي خلال اللقاء عن زوجته ناريمان وقصة الحب التي جمعت بينهما، موضحا أن زوجته تتمتع بصوت جميل، لكنه قبل أن يتزوجها خيّرها بين أن تختار الغناء أم تختار الزواج منه، لأنه يريدها أن تتفرغ له ولأسرتها، لا أن تنشغل هي أيضا وتتشتت الأسرة.

تابع: "هي صوتها حلو أوي.. بس أول ما جينا نتجوز من 5 سنين قولتلها مش هتغني.. مش عايز نبقا احنا الاتنين ملبوخين ومش فاضيين لبعض، أنا عايز اهتمام، مراتي الاقيها قدامي طول الوقت، خاصة إن أنا مش زي باقي الفنانين بسهر كتير، بالعكس بنام من الساعة 12 أو 1 بالكتير واصحى بدري وهكذا.. أنا موظف فن".

أضاف: "كان اتفاق بيني وبينها.. وقلت لها اختاري ممكن تغني بس نفضل أصدقاء مش هينفع نتجوز وهعملك أغاني وكل حاجة .. لكن أنا عشان اتجوز عايز مراتي تبقا متفرغة ليا.. وهي وافقت على ده"، مشيرا إلى أنه من المقرر أن تشاركه زوجته في ديو جديد، قريبا.



كان رامي جمال كشف عن إصابته بمرض البهاق وكتب عبر حسابه الخاص على Facebook، إيضاحًا حول حالته الصحية، قائلًا: "الحمد لله الذي أحبني ‏فابتلاني، وأقدرني على الصبر من فترة ظهرت بقع بيضا في جسمي وبالكشف عرفت إنه البهاق، وجربت ‏انواع علاج كتير ودكاترة كتير ومفيش فايدة، رضيت وسلمت أمري لله علشان عرفت إن الزعل بيزوده وكفاية ‏شغلانتي وصعوبتها والقلق الدائم من المستقبل".‏

تابع: "وفعلا بقى بيزيد لدرجة لفتت نظر ناس كتير اللي بقى يقولي هتتعامل إزاي وأنت فنان واللي يخاف يسلم ‏واللي يسألني هو ده معدي، أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها ‏لدرجة خلت ناس تقول لي شوف بيزنس تاني أعمله علشان الناس مش هتقبلك كده".‏

أضاف رامي جمال: "فكرت في كلامهم بصراحة ولقيت إن عندي حلين يا فعلا شكرا لحد كده على الشغلانة ‏دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي بنا ابتلاهم بيه ‏من نظرة إن شكله غريب الحمد لله على نعمة الأهل لأنهم الوحيدين اللي بيقبلوا الواحد زي ما هو، طولت ‏عليكم بس قولت أشرككم في حياة فنان"‏.

اقرأ أيضا:


أنا مش هسكت... رامي جمال يطلق حملة لدعم مرضى البهاق

أول تعليق لرامي جمال بعد إعلان إصابته بالبهاق: خلصتوني من السجن

كلمات متعلقة رامي جمال

إيمان مندور

12/3/2019 1:58:51 PM

https://www.filfan.com/

2004-2018 © FilFan.com يتم تطويره وإدارته بواسطة

clicking on ".search-btn" adds class "open" on "#search-overlay" clicking on ".close, .confirm" removes class "open" on "#search-overlay" clicking on ".social-btn" adds class "open" on "#social-overlay" clicking on ".close" removes class "open" on "#social-overlay"