بالفيديو - حمو بيكا يعتذر لهاني شاكر ... هدفي أكل العيش

مي فهمي | فى حياة المشاهير

حمو بيكا

الجمعة , 25 أكتوبر 2019 - 12:39

بعد خلافة الشديد مع الفنان هاني شاكر ونقابة الموسيقيين، حرص حموبيكا على تقديم أعتذار عبر صفحته الرسمية على Facebook.

وكشف حمو بيكا عن الأسباب التي جعلته يفقد اعصابه ويهدد بالقيام بثورة ضد هاني شاكر.

وقال: "أنا بعتذر يا أستاذ هانى شاكر أنت أمير الغناء العربي، وأنا مكنش قصدى إنى أزعلك، كان كل هدفى إنى أكل عيش، أنا معايا 20 فرد بياكلوا عيش، ناس فاتحة بيوت وبتصرف على عائلاتها، أنا اللى خلانى اضايقت وأنزل الفيديو أنى لفيت 8 ساعات، وشغلى كله كان واقف".

وتابع: "وأنا إللى كنت عايز أعمله أنى امشى قانونى واعمل تصريح وانزل اشتغل ومكنش قصدى أنى أزعلك".

وأضاف: "أنا بحبك وإحنا عيالك يا أستاذ هانى، أنا كان كل هدفى إنى صوتى يوصلك، وقدام الناس كلها بقولك أنا آسف ليك، ولو عايزنى أجيلك أو اطلع على الهواء اتأسفلك هطلع، أنا بقالى 6 أشهر واقف عن العمل، والناس اللى معايا مقدرش امشيهم، إحنا نروح فين دى بلدنا وإحنا اخترنا فن الناس بتحبه وبتفرح بيه عمرنا ماضايقنا حد، وقدمنا محتوى تانى وبقينا ناخد بالنا من الكلام، وبقيت بنقى الكلام الصح".

وأنهى بيكا حديثه: "في شباب نفسها أنها تتجوز وتكون نفسها، كان يهمنا إننا نشتغل بالحلال، وأنا تعبت وكافحت، ابويا ربانى وطلعنى إنى مقولش لحد عايز حاجه، وبنيت المكان اللى بقيت فيه بعد سنين كتيرة".

يذكر أن النقابة قد أصدرت قرارًا بمنع مطربي المهرجانات من الغناء ومن بينهم حمو بيكا. كما اتخذت النقابة الإجراءات القانونية ضد الأخير بالتهديد بالبلطجة والادعاء كذبا على أعضاء المجلس.

اقرأ أيضاً

هاني شاكر: سيتم إيقاف حمو بيكا إن أصر على الغناء

بلاغ لضبط وإحضار حمو بيكا