‎المتحدث الرسمي السابق للنادي العام لضباط شرطة مصر يهاجم دور محمد رمضان في "نسر الصعيد"

مي فهمي | فى سينما وتلفزيون

محمد رمضان

الثلاثاء , 5 يونيو 2018 - 01:06 | اخر تحديث: الثلاثاء , 5 يونيو 2018 - 01:49

هاجم ‎المتحدث الرسمي السابق للنادى العام لضباط شرطة مصر تجسيد الممثل محمد رمضان لضابط الشرطة في مسلسل "نسر الصعيد" المشارك في موسم رمضان.

وكتب المتحدث السابق عبر حسابه على Facebook :"اسوأ من جسد دور ضابط بوليس في التاريخ... ناقصله بدله زرقا في احمر ويبقي سبايدر مان...دخل ديسكو في شرم الشيخ وهو ظابط وقالهم انه ظابط وضرب الجاردات كلهم وخرج وراح عالشغل عادي...لا اتحقق معاه ولا حد اشتكاه ولا اتوقف ولا حصله اي حاجه...راح يجيب اخطر مسجل في قنا باربع مخبرين بس...بتوصلو للناس حاجات غريبه ملهاش علاقه بالواقع...انا يمكن شفت ظباط بتتخانق انما مشوفتهمش بيقلعو ملط وبيسرسجو....
اسمع كلامي...اصلها مبتليقش علي اي حد...مش عمال علي بطال هي...البس البدله اللي علي مقاسك...
وعلي فكره الموضوع مالوش علاقه انك كنت بتقدم افلام مسجلين...احمد زكي عمل المدمن والهروب وكان الباشا وهو ضابط...وعادل امام عمل مسجل خطر وسلام ياصاحبي وعمل النمر والانثى...امير كراره كان ديلر في هروب اضطراري وبقي سليم الانصاري...الموضوع انها واسعه عليك".

يشارك محمد رمضان في مسلسل "نسر الصعيد" سيد رجب ووفاء عامر ودرة وعائشة بن أحمد وعايدة رياض ودينا ومحمد حاتم ومحمد عز وباسل الزارو، ومن تأليف محمد عبد المعطي، وإخراج ياسر سامي.

اقرأ أيضاً

محمد رمضان يرد على ميدو بعد دفاعه عنه

بالفيديو- وائل الإبراشي يهاجم محمد رمضان: من يصف نفسه بالأول يكون الأخير