أمير عيد يرفض الظهور في قنوات أجنبية للتعليق على إلغاء حفلات "كايروكي"

نهال ناصر | فى حياة المشاهير

أمير عيد

السبت , 13 يناير 2018 - 11:32 | اخر تحديث: السبت , 13 يناير 2018 - 11:32

بعد إلغاء حفلات فريق "كايروكي" لأكثر من مرة دون توضيح أسباب، رفض المطرب أمير عيد التحدث لقنوات أجنية والتعقيب عما حدث.

كشف عيد أنه منذ أن ألغيت حفلات الفرقة وتأتي له اتصالات من مواقع وقنوات أجنبية يطلبون إجراء لقاء معه للحديث عن الأمر والتعقيب عليه.

من ساعه ما الحفلات بتاعتنا بقت بتتلغي والمواقع و القنوات الاجنبيه والعربيه عماله تكلمني بشكل مبالغ فيه عشان ياخدوا تصريح ناري والحقيقه احب اقولهم ان ده شأن داخلي وملكمش دعوه بيه و احنا مش هنبقي ماده يتم استغلالها عشان تخدم اتجاهاتكم السياسيه واچندتكم.

— Amir Eid-أمير عيد (@Amir3id) January 12, 2018

ورفض أمير الحديث معهم مؤكدا أنه شأن داخلي لا علاقة لهم به وأن فريق كايروكي لن يكون مادة يتم استغلالها من أجل خدمة اتجاهاتهم السياسية.

وتابع من خلال تغريدات نشرهاعبر حسابه في موقع Twitter ليرد على كل من ينتقده أو يقول عنه إنه يشعر بالخوف، مؤكدا أنهم يتهموه بهذه الاتهامات منذ 8 سنوات ويرد هو بأغنياته.

توضيح للجماعه اللي اللي بيسطنصحو وعمالين يقولو انت بتجيب ورا.احب اقولهم انتوا بتقولوا كده بقالكم ٨ سنين ولسه مزهقتوش ومع كل اغنيه جديده بيتضح انكم مجموعه من المزايدين وبتشوفو بنفسكم التمن اللي بندفعه وبالرغم من كده لسه مكملين وفي المستقبل لما نقدم اعمال جديده او نتفشخ هتفضلوا كده

— Amir Eid-أمير عيد (@Amir3id) January 12, 2018

واختتم كلامه في هذا الموضوع بأنه لم يقصد التعميم وسبق وأن ظهر في قنوات أجنبية منهم الذي يتسم بالاحترام ومنهم من كان يستضيفه لأسباب أخرى، وأغلب الأسئلة تكون سياسية وإجتماعية وقليل منها ما يتعلق فعليا بالجانب الفني، لذا وبعد تجربة تعلم مع من يظهر وما الغرض من استضافته.

كلامي بدون تعميم انا ظهرت و عملت لقائات مع مواقع و قنوات اجنبيه كتير منهم المحترم ومنهم اللي بيستضيفك لاسباب اخري تحتاج محلل اجتماعي او سياسي والاسئله بتبقي ٩٠٪ سياسه وامور اجتماعيه و١٠٪ فن وبحكم التجربه اتعلمت ابقي عارف اظهر مع مين ومظهرش مع مين وايه الغرض بظبط من استضافتي.

— Amir Eid-أمير عيد (@Amir3id) January 12, 2018

كان فريق "كايروكي" من المقرر أن يحيي حفلين يومي 18 و19 يناير في ساقية الصاوي، ولكن تم إلغائهما دون توضيح أسباب.

اقرأ أيضا:

للمرة الثالثة تأجيل حفل كايروكي بساقية الصاوي

فريق "كايروكي" يؤجل حفله للمرة الثانية