راندا البحيري تهاجم شركة طيران إماراتية.. سافرت على الأرض

نهال ناصر | فى حياة المشاهير

راندا البحيري

الخميس , 9 مارس 2017 - 15:34 | اخر تحديث: الخميس , 9 مارس 2017 - 15:34

هاجمت الممثلة راندا البحيري شركة الإمارات للخطوط الجوية والتي تفضلها كثيرا وسافرت معها لأكثر من مرة.

وفي البداية أوضحت راندا الأمر وأكدت أنها لم تكن ترغب في التحدث عن هذا الموضوع ولكنها غضبت كثيرا بسبب طريقة التعامل معها، وحكت عن موقف حدث لها أثناء رحلة طيران قضتها كلها جالسة على الأرض.

ونشرت راندا عبر حسابها في موقع Instagram صورة لجهاز "آي باد" خاص بها تعرض للكسر وحكت ما حدث معها:

"للاسف. مكنتش عايزه اتكلم عن الموضوع ده خالص. بس اضطروني ل كده. انا محبتش في حياتي كلها خطوط جويه اد ما حبيت الاماراتيه. هي احسن خطوط جويه انا ركبت عليها. لكن للاسف يوم ١٥ فبراير حصل معايا موقف سخيف جدا مكنتش اتخيل اني يحصل هناك ابدا.

وتابعت: الكراسي كانت بايظه بتاعه الطياره. الكهربا فيها تهنيجه كده معلقه تماما. ف كانت الكراسي بتتحرك لوحدها فجاه و تفتح فجاه و تقفل مع نفسها لدرجه ان الرجل اللي قاعد في الصف اللي قدامي الكرسي لما اتحرك كتير و علق دخل فيه القميص بتاعه و حزام الامان.

اما الكرسي بتاعي من كتر ما علق بقي بيوقع حاجاتي علي الارض و منها وقع الاي باد جنب الكرسي و الكرسي راح بالع الاي باد بين ايد الكرسي و بين الكرسي نفسه و الاي باد اتكسر زي ما انتوا شايفين كده.

لما اتكسر الاي باد جنب الكرسي مكنش ينفع حد يطلعه علشان ممكن البطاريه تتفاعل مع الكرسي و الكهربا و يحصل حريقه و ده اللي اكدوه و بيقولوا انه حصل قبل كده معاهم. و بسبب الموضوع ده انا قعدت طول الرحله علي الارض !!!!!!!!! اربع ساعات في طياره علي الارض. ايوه علي الارض جنب المكان اللي بنحط فيه رجلينا ده

واضافت: انا دفعت ٣ تذاكر غاليين جدا. علشان في الاخر اسيب اهلي و اقعد علي الارض و في الطياره. انا دلوقتي عايزاكم تكونوا شاهد علي اللي حصل و تقولوا رايكم . لما كراسي الطياره كلها تكون معلقه والكهربا مش شغاله صح. و كل شويه النور يقطع و يرجع ابقي انا اللي مسئوله عن اغراضي الشخصيه. و لما الكرسي يتحرك لوحده و يبلع حزام الامان بتاع الرجل اللي معرفهوش اللي قاعد قدامي و يبلع اي بادي ابقي انا يرضه اللي مسئوله عن سلامه اغراضي الشخصيه.ده غير انهم اصلا اعتذرولي و قالولي هنصلحه او هنشوف نقدر نعمل ايه بس انت انزلي من الطياره.

نزلت و بعدها بيبعتولي ايميلات كلها بتقول مالناش دعوه انت اللي منت المفروض تحمي الحاجات اللي معاكي. ده غير اني قبل ما انزل جالي رجل مش محترم بالمره زعقلي..اه زعقلي والله. مع اني كنت بتكلم بمنتهي الهدوء وقالي كده مش هينفع اتفضلي انزلي من الطياره و ابقي ابعتي ميل للشركه قولتله المهندس لسه شغال و بيطلع الاي باد من الكرسي.يعني حاجه اخيره لاحظتها ان الاجانب كلهم كانوا محترمين معايا بغض النظر عن انهم مجابوش حقي والعربي الوحيد اللي موجود هو اللي اتخانق معايا".

Plz share للاسف. مكنتش عايزه اتكلم عن الموضوع ده خالص. بس اضطروني ل كده. انا محبتش في حياتي كلها خطوط جويه اد ما حبيت الاماراتيه. هي احسن خطوط جويه انا ركبت عليها. لكن للاسف يوم ١٥ فبراير حصل معايا موقف سخيف جدا مكنتش اتخيل اني يحصل هناك ابدا. الكراسي كانت بايظه بتاعه الطياره. الكهربا فيها تهنيجه كده معلقه تماما. ف كانت الكراسي بتتحرك لوحدها فجاه و تفتح فجاه و تقفل مع نفسها لدرجه ان الرجل اللي قاعد في الصف اللي قدامي الكرسي لما اتحرك كتير و علق دخل فيه القميص بتاعه و حزام الامان. اما الكرسي بتاعي من كتر ما علق بقي بيوقع حاجاتي علي الارض و منها وقع الاي باد جنب الكرسي و الكرسي راح بالع الاي باد بين ايد الكرسي و بين الكرسي نفسه و الاي باد اتكسر زي ما انتوا شايفين كده. لما اتكسر الاي باد جنب الكرسي مكنش ينفع حد يطلعه علشان ممكن البطاريه تتفاعل مع الكرسي و الكهربا و يحصل حريقه و ده اللي اكدوه و بيوقوا انه حصل قبل كده معاهم. و بسبب الموضوع ده انا قعدت طول الرحله علي الارض !!!!!!!!! اربع ساعات في طياره علي الارض. ايوه علي الارض جنب المكان اللي بنحط فيه رجلينا ده . انا دفعت ٣ تذاكر غاليين جدا. علشان في الاخر اسيب اهلي و اقعد علي الارض و في الطياره. انا دلوقتي عايزاكم تكونوا شاهد علي اللي حصل و تقولوا رايكم . لما كراسي الطياره كلها تكون معلقه والكهربا مش شغاله صح. و كل شويه النور يقطع و يرجع ابقي انا اللي مسئوله عن اغراضي الشخصيه. و لما الكرسي يتحرك لوحده و يبلع حزام الامان بتاع الرجل اللي معرفهوش اللي قاعد قدامي و يبلع اي بادي ابقي انا يرضه اللي مسئوله عن سلامه اغراضي الشخصيه.ده غير انهم اصلا اعتذرولي و قالولي هنصلحه او هنشوف نقدر نعمل ايه بس انت انزلي من الطياره. نزلت و بعدها بيبعتولي ايميلات كلها بتقول مالناش دعوه انت اللي منت المفروض تحمي الحاجات اللي معاكي. ده غير اني قبل ما انزل جالي رجل مش محترم بالمره زعقلي😂اه زعقلي والله. مع اني كنت بتكلم بمنتهي الهدوء وقالي كده مش هينفع اتفضلي انزلي من الطياره و ابقي ابعتي ميل للشركه قولتله المهندس لسه شغال و بيطلع الاي باد من الكرسي.يعني حاجه اخيره لاحظتها ان الاجانب كلهم كانوا محترمين معايا بغض النظر عن انهم مجابوش حقي والعربي الوحيد اللي موجود هو اللي اتخانق معايا. Emirates @emirates

A post shared by Randa Elbehairy (@randaelbehairyofficial) on Mar 9, 2017 at 3:44am PST