مجدي الهواري غاضبا من تواجد سما المصري في افتتاح القاهرة السينمائي 38: حاجة تحزن

يارا عماد | فى حياة المشاهير

مجدي الهواري

الخميس , 17 نوفمبر 2016 - 13:39 | اخر تحديث: الخميس , 17 نوفمبر 2016 - 13:39

علق المخرج مجدي الهواري على ما حدث داخل مهرجان القاهرة السينمائي الدولي في دورته الـ 38 وهو تواجد عدد كبير من الشخصيات التي لا علاقة لها بالفن.

وعبر مجدي الهواري عن استياءه من خلال صفحته الشخصية على موقع التواصل الاجتماعي Facebook وتذكر أولى دورات المهرجان وكتب:

"حاجة_تحزن !! اتذكر اول دورة لمهرجان القاهرة السينمائي حضرتها كان رئيس المهرجان الراحل / سعد الدين وهبه وكان المهرجان حاجة اخر الأجَاا علي الاخر شياكة ايه ، وحضور ايه وتنظيم ايه ، وافلام ايه ، ونجوم من كل العالم ايه.

"كان مهرجان بجد يشرف ثقافي وإبداعي وسينمائي عالمي وبعديها حضرت لما كان المهرجان برئاسة النجم حسين فهمي وباشرأف والأستاذة سهير عبد القادر تلميذة الراحل ..وكان كمان حاجة رفيعة المستوي وكان اهم مهرجان في المنطقة كلها وبجد كان اسمه مهرجان القاهرة السينمائي الدولي !!!.

"وبعد كده من كام سنه قالولنا واحنا في عز الثورة يلا يلا بسرعة اسرائيل عينها علي المهرجان لو متعملش السنة ديه وكل الفنانين دعموه احنا رحنا في داهية !! وحيخدوا منا المهرجان !ياخراشي يخدوا منا ايه ؟😏ومين !! اسرائيل كمان اجري بسرعة علي هناك !فكروني بسرحان عبد البصير لما قال " خفت لايشيلوا العدة " مع أني معنديش تليفون :).

"ربنا يديك الصحة ياستاذ عادل امام والسنة ديه حاولوا يلعبوا نفس اللعبة بس النجوم فهموا بقي اللعبة ومحدش راح وليهم حق بصراحة .. وكمان ليهم حق بتوع العدة يشيلوا العدة لا تعليق !!بس كل اللي عايز أقوله حد يجيب صور مهرجان قرطاج اللي من أسبوع لو سمحتم وشوفوا بنفسكم الفرق :( كل التقدير لصاحبة الصورة اللي انا معرفهاش .. تاني اعتذر. مصر شالت فوق طاقتها يرضي مين !!!!!!علي رأي هبة عفيفي.