صورة - بعد 34 سنة .. عمرو سلامة يتغلب على فوبيا "البحر"

محمود عبد الحكيم | فى حياة المشاهير

المخرج عمرو سلامة

الثلاثاء , 26 أبريل 2016 - 19:04

هذا اليوم قد يكون عادى بالنسبة لكثير من الناس، لكنه غير عادى للمخرج عمرو سلامة، الذى اعتبره يوم تاريخى بالنسبة له، فقد أكد أنه بعد 34 سنة استطاع التغلب على خوفه من السباحة والبحر، مؤكداً أنه كان يخشى البحر بسببه تعرضه لحادثى غرق عندما كان صغيراً، لدرجة جعلته يخاف من المياه وهو يستحم.

وأكد المخرج الشاب أنه لم يخجل من تعلم السباحة وهو فى هذا السن، فى الوقت الذى كان الأطفال حوله فى حمام السباحة يفعلون الأمر بكل بساطة وسلاسة، حيث داعب جمهوره مؤكداً أنه سيدخل مسابقات سباحة فوق السن.

ونشر عمرو سلامة صورة له على حسابه الخاص بموقع الصور "أنستجرام"، مصحوبة بتعليق "لنهاردة يوم تاريخي بالنسبة لي. بعد ٣٤ سنة خوف من العوم والبحر والمية لدرجة اني وانا بستحمى والمية فضلت على وشي شوية بيجيلي هلع، وكل ده بسبب موقفين غرق وانا صغير.. النهاردة انا اقدر أقول بثقة اني بعرف أعوم وعملت اللي طول عمري شايفه خيال علمي، كانت هديتي لنفسي في عيد ميلادي اللي فات اني ابدا اتعلَّم وأكسر الخوف والعقدة. على قد ما كان شيء بخجل منه اني شحط كده ومش بعرف أعوم على قد ما انا فخور اني ماتكسفتش اتعلَّم حاجة الأطفال اللي حوليا في البسين بيعملوها بسلاسة كإنها اسهل حاجة في العالم. وللمدرب العظيم اللي استحمل هلعي، انت راجل عظيم. انتظروني بقى في مسابقات فوق السن.. ليه لا؟".

النهاردة يوم تاريخي بالنسبة لي. بعد ٣٤ سنة خوف من العوم والبحر والمية لدرجة اني وانا بستحمى والمية فضلت على وشي شوية بيجيلي هلع، وكل ده بسبب موقفين غرق وانا صغير.. النهاردة انا اقدر أقول بثقة اني بعرف أعوم وعملت اللي طول عمري شايفه خيال علمي، كانت هديتي لنفسي في عيد ميلادي اللي فات اني ابدا اتعلَّم وأكسر الخوف والعقدة. على قد ما كان شيء بخجل منه اني شحط كده ومش بعرف أعوم على قد ما انا فخور اني ماتكسفتش اتعلَّم حاجة الأطفال اللي حوليا في البسين بيعملوها بسلاسة كإنها اسهل حاجة في العالم. وللمدرب العظيم اللي استحمل هلعي، انت راجل عظيم. انتظروني بقى في مسابقات فوق السن.. ليه لا؟ 💪

A photo posted by Amr Salama (@amrmsalama) on Apr 26, 2016 at 12:56am PDT