أيمن بهجت قمر عن الإخوان والسلفيين: مرتزقة محدثين شهرة وسُلطة

مي جودة |

أيمن بهجت قمر

الثلاثاء , 19 فبراير 2013 - 12:02

تعجب الشاعر والسيناريست أيمن بهجت قمر من الخلاف الدائر بين الإخوان وحزب النور السلفي وكيفية إدارة الأزمة.

كتب قمر على صفحته بموقع التواصل الاجتماعي Facebook: "هما الأخوة السلفيين ما افتكروش مسؤولية مرسي عن العيال اللي بتموت غير لما وقعوا في بعض!! هو من الشرف انك تداري عليهم باستماتة لحد ما الأمر يتعارض مع مصالحك وللا رجالتك فبتقلب الترابيزه وبتشردلهم!!".

تابع: "أمال فين نغمة الهدوء والإستقرار ومصر أولاً اللي هروا أهالينا بيها!! دول وللا دول مايفرقوش معايا لأنهم حبة مرتزقه محدثين شهرة وسُلطة، أنا اللي فارق معايا الناس".

وأضاف بهجت قمر: "عشان كده بجد برجو أصدقائي المحبين والمنتمين للتيارات دي على الأقل المتعلمين منهم إنهم يفكروا، وبقول لكل واحد فيهم صدقني إرتباطك بيهم مش ارتباط بالدين ولا العقيدة إنت كده كده مسلم من قبل مانتبلي بيهم ... آه والله".

كانت الأزمة بدأت بين حزب النور السلفي والرئاسة بعدما أقيل خالد علم الدين من فريق مستشاري الرئس واتهامه بأن هناك تقارير تفيد بأنه استغل منصبه للانتفاع، وأكدت بعد ذلك الرئاسة أنها كانت تقصد انتفاع أحد من فريقه، وطالب علم الدين اعتذار رسمي له، وهذا ما رفضته الرئاسة.

فخرج نادر بكار مساعد رئيس حزب النور السلفي ليفتح النار على الرئاسة ويطالبها بإقالة وزير الطيران والرئيس بنفسه بسبب تقارير تثير الشبهات.