خالد أبو النجا لجمهوره: عباس الضو قال "لأ"!

محمد صالح |

السبت , 15 ديسمبر 2012 - 19:12

حرض الفنان خالد أبو النجا على إقناع جمهوره بالتصويت بـ "لا" خلال الاستفتاء على الدستور الجديد الذي يقام اليوم السبت.

وكتب أبو النجا عبر مدونته الإلكترونية عبارات حاول بها إقناع جمهوره، وقال:

لو أنت حزب الدستور البرادعي بيقول لا، لو أنت تيار شعبي حمدين بيقول لا، لو أنت ليبرالي عمرو حمزاوى بيقول لا، لو أنت حركة وطنية شفيق بيقول لا، لو أنت عمرو موسى فهو بيقول لا، لو أنت أزهري الأزهر بيقول لا، لو أنت سلفي محترم سليفو كوستا بيقولوا لا، لو أنت بتحب عمرو خالد عمرو بيقول لا.

لو أنت حزب مصر القوية عبد المنعم أبو الفتوح بيقول لا، لو أنت إعلامي الإعلامين بيقول لا، لو أنت طبيب الأطباء بيقول لا، لو أنت قاضي القضاه بيقول لا، لو أنت بتحب أبو العز الحريري فبيقول لا، لو أنت بتحب خالد علي فخالد بيقول لا، لو أنت ناصري أكيد هتقول لا، لو ملكش في السياسة وبتحب السيما منى زكى بتقول لا، لو بتحب مسلسلات زمان، فعباس الضو بيقول لا.