شاهد فضيحة هيفا ونانسي في فيديو واحد

إسلام سعيد في حياة المشاهير

هيفا

الثلاثاء , 5 يونيو 2012 - 23:04

ما هو أكيد ما شدتكش صورة كاتب المقال، ولا متصور إني هقولك "دليلك لانتخاب مرسي.. وبالدليل".. ولو بتدور فعلا على فضيحة فيديو لنانسي وهيفا، فأحب أقولك مش هتلاقي دة تحت!

طيب تعالى نحسب كام مرة دورت فيها على كليب لنجمك المفضل، وكانت أول نتيجة بتطلعلك "شاهد ف*** هيفا" أو "مشهد عاري لنانسي في غرفة نوم فندق شهير"؟!!!! ملايين، وبرضه اللي بيشوفوها ملايين!

المشكلة إنك لو عملت استفتاء بين غالبية جمهور Youtube على تقبلهم لفكرة وجود العناوين دي هتلاقي أغلبهم مش موافق، طيب ليه بتجيب ملايين المشاهدات؟!

رأيي ودة يمكن ما توافقش عليه إن إحنا المسؤولين عليه، بسبب رغبتنا في التفتيش داخل نوايا لأهل الفن أو غيرهم في أسرارهم أو حياتهم الشخصية، وللأسف هي دي الحاجات اللي بندور عليها.. خد عندك مثلا لو دورت بالكلمات دي على جوجل إيه هيطلعلك في أول خيارات البحث:

1- ريم ماجد: ريم ماجد مسيحية، ريم ماجد ألفريد، ريم ماجد مسيحية أم مسلمة؟.. ريم ماجد وزوجها، رغم أنها غير متزوجة من الأساس!

2- منة شلبي: منة شلبي للكبار فقط يوتيوب، منة شلبي وإدوارد في مشهد ساخن، منة شلبي الساحر.

3- منى زكي: منى زكي بالمايوه الأحمر، منى زكي إغراء، منى زكي بدون مكياج.

4- ليلى علوي: ليلى علوي والمغتصبون، ليلى علوي على البحر.

5- شمس البارودي: شمس البارودي إغراء، شمس البارودي للكبار فقط، شمس البارودي بالبكيني.

اللي فات دة مجرد عينة من اللي ممكن تلاقيه في البحث مش على جوجل بس، ولكن في عقولنا للأسف!

إنت ما بتصليش ليه؟!

الأزمة ليست فقط في من يفكرون دوما في استغلال شهوات البني آدم، ولكن في من يرغبون في استخدامها "لهدايتك"!

ومن يريدون أيضا اصطحابك للطريق الصحيح يستخدون الآلية نفسها، والأسماء والشخصيات الفنية نفسها.

فمثلا سميرة صدقي وسهير رمزي ومنة شلبي وشمس البارودي وغيرهن، هم واجهات لمقاطع فيديو لشيوخ مثل محمد حسان ومحمد حسين يعقوب وأبو إسحاق الحويني!
فبمجرد ضغطك على فيديو لأي من النجمات ستفاجأ بمن يقول لك "ما بتصليش ليه؟" أو "سبب تحريم الاحتفال بالفالنتين"!

الخلاصة: اتركوا النجوم في حالهم وفقط استمتعوا بفنهم واتركوا لهم حياتهم الشخصية.. يرحمكم ويرحمنا ويرحمهم الله!

تابعني على تويتر