سامي مغاوري عن كواليس "شلبي سلوفان": عندي خبرة في الدوبلاج من شغلي في الإذاعة بطفولتي وصعبت عليا نفسي لما شفت البوستر من غير اسمي

نهال ناصر | فى حياة المشاهير

سامي مغاوري

الثلاثاء , 13 أكتوبر 2026 - 11:43 | اخر تحديث: الثلاثاء , 13 أكتوبر 2026 - 12:48

استعاد الفنان سامي مغاوري ذكرياته مع دوبلاج شخصية "شلبي سلوفان" في فيلم ديزني الشهير "شركة المرعبين المحدودة".

وحكى سامي مغاوري خلال لقائه في برنامج "صاحبة السعادة" مع إسعاد يونس عن نجاح العمل: "الجميل في شخصية "شلبي سلوفان" أن الأجيال بتكبر وبقوا أبهات وأمهات ولسه محتفظين بذكرياتهم، بقت العيلة كلها الأب والأم وأولادهم كلهم مرتبطين بـ"شلبي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع سامي مغاوري: "أنا كان عندي خبرة في موضوع الدوبلاج، وأنا صغير لما كنت بمثل إذاعة كان في فيلم "هندي" ناجح جدا قدمناه كمسلسل إذاعي وشاركت فيه، وبعد حرب 1967 مبقاش في أفلام أمريكية بتتعرض وكانوا بيعرضوا في السينمات أفلام روسية بيتم دبلجتها وشاركت في الدوبلاج بتاعها مع نجوم كبار زي أمينة رزق وحمدي وعبد الله غيث وأخدت منهم خبرات، ولما طلبوني لشخصية "شلبي سلوفان" كنت شاركت في كذا فيلم مع الأستاذ عصام السيد".

نرشح لك: راندا البحيري تكشف تفاصيل مرضها: بقالي 7 سنين بعاني وكنت يوميا بعيط من الوجع والأدوية تخنتني جامد وكنتوا بتتنمروا عليا

وأكمل ليحكي كواليس التحضير للشخصية: "أخدت سيناريو الفيلم بالعربي عشان اتعايش معاه، وكنا بنروح نتفرج على الفيلم بالأمريكاني وكنت بفهم كل 10 كلمات كلمة لأني خريج التعليم المجاني، وبعدها أروح أسجل كان عندي 4 أيام كل يوم 5 أو 6 ساعات وآخر حاجة الكلمات اللي بنعيدها تاني كأنوا بيأجلوا "الصريخ" عشان الصوت ميتعبش، عملت شخصية شلبي سلوفان في 35 ساعة وكان جالي دور برد شديد جدا وكنت بقاوم من حبي في الشخصية وحبي في الفيلم".

شلبي سلوفان

وعن ذكريات يوم عرض الفيلم قال سامي مغاوري: "افتتاح الفيلم كان في المهرجان القومي الأول لسينما الأطفال في الأوبرا وكان في ناس كتير ومحدش يعرفني، كان البوستر كبير وعليه صور الشخصيات بس معلهوش اسمي في شخصيتين تانيين اللي عليهم الأسامي وأنا أخدت على خاطري أن مش حاطين اسمي حتى يقولوا ومع أو جيه بالصدفة، صعب عليا نفسي، دخلت اتفرجت على الفيلم أول مشهدين الأطفال اتخضت، لحد ما اتعرض المشهد الأخير وابتدت دموعي تنزل وأنا بتأثر بالمشاهد دي، مراتي قالتلي أمسك نفسك كل الشركة المنتجة قاعديين وناس جايه من إنجلترا، كان مشهد "شلبي" وهو بيسيب البنت الصغيرة، لما النور نور في القاعة لقيت المخرج والمنتجة والراجل الإنجليزي بيعيطوا كل السينما كانت بتعيط ولقيت الناس شافوني وجريوا ورايا وفرحت جدا".

وفيلم "شركة المعربين المحدودة" إنتاج عام 2001 وقام بدوبلاج الشخصيات محمد هنيدي وسامي مغاوري وحنان ترك وماجد الكدواني وثريا إبراهيم.

اقرأ أيضا:

مي كساب ترد على انتقادات ارتدائها "تي شيرت" برسومات غير لائقة: ماشفتهاش وكنت فاكراه "سبونج بوب"

إليسا تطرح ألبومها الجديد في أكتوبر 3 أغنيات باللهجة اللبنانية وعودة للتعاون مع محمد رفاعي بعد 19 عاما

جولة بالجمل واستجمام وسط الأجواء التاريخية … رحلة نسرين طافش في البتراء بالأردن

#شرطة_الموضة: كارولين عزمي تسبق كاتي بيري في ارتداء فستان Elion … أظهر رشاقتهما وسعره 92 ألف جنيه

لا يفوتك: في حماة قمر كدة؟! فرحة أم العروسة غادة عادل بخطوبة ابنتها مريم

لا يفوتك: أفلام ناجحة هنشوف لها جزء جديد قريب سهر الليالي وطير انت ومافيا وصعيدي في الجامعة الأمريكية وغبي منه فيه ... حقيقة ولا أمنيات؟؟

أفلام ناجحة هنشوف لها جزء جديد قريب #سهر_الليالي و #طير_انت و #مافيا #صعيدي_في_الجامعة_الأمريكية #غبي_منه_فيه ... حقيقة ولا أمنيات؟؟
ايه الفيلم اللي نفسك تشوف له جزء جديد؟ pic.twitter.com/xGeHGJO22I

— FilFan.com (@FilFan) September 19, 2026

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5