فيديو - المايسترو سعيد كمال: أضفت مقدمة لأغنية شيرين "مشاعر" بدون طلب من أحد

محمد سليم | فى موسيقى وحفلات

المايسترو سعيد كمال وشيرين عبد الوهاب

الخميس , 20 أغسطس 2026 - 23:38 | اخر تحديث: الخميس , 20 أغسطس 2026 - 23:38

كشف المايسترو سعيد كمال كواليس مشاركته في أغنية النجمة شيرين عبد الوهاب الشهيرة "مشاعر".

وقال سعيد كمال في تصريحات خاصة لبرنامج "أرتيستيك"، تقديم ليلى بدران على راديو هيتس: "من أكتر أعمالي المقربة لقلبي مع شيرين أغنية "مشاعر"، توزيع أحمد إبراهيم، وتلحين محمد رحيم الله يرحمه".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

المايسترو سعيد كمال وشيرين عبد الوهاب

وأضاف سعيد كمال: "أغنية "مشاعر" كانت عاجباني أوي، ولما سمعتها في الأول حسيت إنى عايز اضيف ليها حاجة في الأول، ولما حكولي عن الأغنية وانها تتر مسلسل، وفيها مشاعر شخصية متضاربة ما بين حنية وغضب وغيرة، ففكرت إنها محتاجة موسيقي منفردة في الأول قبل اللحن ما يدخل مع كلمات وصوت شيرين، وقررت وقتها أعمل المقدمة اللحنية الشهيرة للأغنية من غير ما حد يطلب مني".

حفل شيرين عبد الوهاب في الساحل

وتابع: "أضفت جمل ناعمة للكمنجة في الأول، عكس حركات التشيلو اللي قصدت إنها تسبب للمستمع شعور بالضغط، عكس الهدوء اللى بتصدره الكمنجة، بحيث إن الآلتين يعبروا عن المشاعر المتضاربة".

طالع أيضا - ليلى علوي تخطف الأنظار في جلسة تصوير جديدة بتوقيع خالد فضة

حفل شيرين عبد الوهاب في الساحل

وأكمل سعيد كمال: "لما دخلت سجلت المقدمة في الاستوديو، وسمعوها أعجبوا بيها جدا، برغم إن الأغنية مدتها بقت أطول بسبب المقدمة اللحنية، ولكن وقتها قالوا لازم تبقى موجودة".

حفل شيرين عبد الوهاب في الساحل

تحدث سعيد كمال عن بداية حبه للموسيقى قائلا: "عرفت إنى بحب المزيكا من وأنا عندي 5 سنين، والدى كان خريج المعهد العالى للموسيقي، كان بيغنى ويعزف عود، وحفظنى أول موشح وأنا عمري 4 أو 5 سنين، وإخواتى الإتنين كمان عازفين كمنجة، ولكنهم أصغر مني".

View this post on Instagram

A post shared by Radio Hits 88.2 (@radiohits882)

وعن انجذابه لآلة الكمان تحديدا، قال: "كنت داخل المعهد عشان أكمل في مجال الغناء وعزفت أكورديون، ولكن الكمنجة خطفتني، لما شوفت زميلنا أحمد فتحى بيعزف عليها، ساعتها سحرتنى، ووقتها فضلت أقوله علمنى، وهو كان السبب وراء اختياري لعزف الكمان، الكمنجة معبرة جدا، وكتير بتقول اللى معرفش أقوله بصوتى".

واختتم سعيد كمال قائلا: "حاليا أقوم بتدريس الكمنجة في المعهد العالي للموسيقي العربية، وآلة الكمان بتحتاج وقت طويل جدا عشان تقدر تكون محترف فيها".

اقرأ أيضا:

الصور الرسمية لزفاف دانا عاصي الحلاني

معركة الألبومات... من ربح صيف 2026؟ (1-2)

ريهام عبد الغفور: كان نفسي أقدم جزء ثاني من "غرفة 207"

درة تلفت الأنظار بإطلالات مختلفة من إجازتها في إسبانيا

لا يفوتك: فنانات مش هتسمع اسمهم في أي مشكلة: مي عز الدين وغادة عادل وصبا مبارك

لا يفوتك:
بشرى وسوسن بدر في لحظة اندماج مع أنغام في الساحل الشمالي😍

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz>