الموزع الموسيقي أحمد إبراهيم: عمرو دياب غنى وجرب كل حاجة ومش بيكتفي

محمد سليم | فى موسيقى وحفلات

الموزع الموسقي أحمد إبراهيم وعمرو دياب

الجمعة , 7 أغسطس 2026 - 19:32 | اخر تحديث: الجمعة , 7 أغسطس 2026 - 19:58

حل الموزع الموسيقي أحمد إبراهيم ضيفا على برنامج "آرتيستيك"، تقديم ليلي بدران على راديو هيتس، حيث تحدث عن مشاركته في أعمال الهضبة عمرو دايب، وألبومه الغنائي الجديد.

وقال أحمد إبراهيم: "صعوبة الشغل مع عمرو دياب إن كل سنة بتيجى بنجاح كبير والسقف بيعلى، والحمد لله تأثير نجاح الألبوم باين في كل حتة الشارع وكل الأماكن".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

الموزع الموسقي أحمد إبراهيم

وأضاف: "توزيع أغنية "لولا البنات" هو نفسه بتاع الكليب، وكن نقدر نقول عليه إضافات زى أصوات الكورال. في البداية دخلنا إلكترونيك وشوية شرقي، وقبل ما الماستر يخلص ما كنتش مبسوط ولا هو، وعمرو دياب اللى ملحن الأغنية وكان متأثر بالفلكلور، وقلت له عاوز أفتحها تانى وأزود ليها، واشتغلت عليها مرة واتنين مع نفسي، لحد ما جات لى فكرة إنى أدخل الإيقاعات الريفية مع الصقفات الطبيعية اللى في الفلكلور".

عمرو دياب

وتابع: "تخيلت المشهد لما بتعدي على ترعة وتلاقي البنات بيصقفوا ويغنوا بشكل جميل، والأحلى إننا سجلناها طبيعية مش إلكترونية، فزودت محبة الناس ليها لأنها شبهنا".

طالع أيضا - أحمد سعد يخطف الأنظار بلوك شبابي في حفله براس البر

تحدث أحمد إبراهيم عن تفاعل الجمهور مع الأغنية قائلا: "اتقال إن الكليب اتعمل بعد ما الناس ابتدت تتفاعل مع الأغنية ويتصوروا بتفاعلهم معاها، ولكن ده محصلش، لأن المخرج الكبير طارق العريان كان عنده رؤيته من الأول".

وأكمل: "لولا البنات اعتبرها زى دم جديد، وأعتقد يومين التأخير للكليب زودت تفاعل الناس معاها، وشايف إنها من أنجح الأغاني".

أحمد إبراهيم

كما كشف أحمد إبراهيم عن رد فعل عمرو دياب بقوله: "عمرو دياب قال لي ده أنجح أغنية وكليب بعد حبيبى يا نور العين، كمان الكليب تانى مشاهدة على مستوى العالم".

وحول تعاونه مع الهضبة عمرو دياب قال: "الحمد لله بقالى 25 سنة، والهضبة 40 سنة على القمة، فبقي عندنا التصور إزاي نحط خطة عمل نمشي عليها، عمرو دياب مش بس معلم، ده ما بيرحمش في الغنا".

أحمد إبراهيم

وأشاد أحمد إبراهيم باحتفاظ عمرو دياب بموقعه على القمة قائلا: "الهضبة عامل عدد أغاني مش طبيعي غير اللي نزل، مع إنه مشغول ما شاء الله في حفلات وأفراح طول الوقت، وكان معانا 30 أغنية، بس لما سمعت الأغانى النهائية، فهمت قد إيه عمرو دياب عنده رؤية. عمرو دياب غنى كل حاجة، وجرب كل حاجة ومع ذلك مش بيكتفي، وبحسد نفسي على شغلي مع موهبة ونجومية فارقة مثل عمرو دياب".

اقرأ أيضا:

محمود عزب ... اشتهر بأدائه الكوميدي وتقليد المشاهير وتصدر التريند بأغنية عن الاكتئاب

#شرطة_الموضة: نانسي عجرم بفستان صيفي من الحرير في الساحل الشمالي ... سعره 150 ألف جنيه

نقابة المهن التمثيلية: حقوق الفنان المصري ثابته ومحمية .. والمسيرة ماضية في طريقها

فيديو - محمود حميدة يحتفل بزفاف ابنته

اقرأ أيضا:

#شرطة_الموضة: روبي بكروب توب و"جيبة" قصيرة من Balmain في حفلها بالشيخ زايد … سعر إطلالتها 260 ألف جنيه

آن هاثاواي: توقفت كثيرًا عند شخصية دينيس في The End of Oak Street

رمضان 2027- أحمد داود يتعاقد على مسلسل "ونس"

أشهر معالم "طرابزون" مدينة محمد صلاح الجديدة كما صورها المسلسل التركي "هذا البحر سوف يفيض"

لا يفوتك: سبب انسحاب منة فضالي من "عيلة عاملة عمايل" في سوريا

لا يفوتك: عشاق الأكشن ... 5 أفلام أكيد أكيد واحد منهم على الأقل هتشوفه أكتر من مرة ✋

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz>