وائل جسار: مقبلش أغني "الألوان" ومعرفش مين أمير عيد

نهال ناصر | فى حياة المشاهير

وائل جسار

الأربعاء , 5 أغسطس 2026 - 14:16 | اخر تحديث: الأربعاء , 5 أغسطس 2026 - 17:31

عبر المطرب اللبناني وائل جسار عن استيائه من مستوى بعض الأغاني التي تطرح هذه الفترة موضحا أنه لا يقصد فنان بعينها ولكن يتحدث عن مستوى الفن عموما.

وفي مداخلة هاتفية مع الإعلامية بسمة وهبة في برنامجها "90 دقيقة" قال وائل جسار: "أنا حريص على الفن والكلمة الحلوة واللحن الجميل بتكلم من هذا المنطلق لأن إحنا وصلنا لمرحلة خطيرة جدا مش عارف إيه اللي هنخليه للجيل القادم، إحنا اتربينا على أغاني العمالقة واتسلطنا عليها من حيث الكلمات واللحن، كان في أغاني شعبية وسريعة بس كان ليها قيمة لكن حاليا في أغاني هابطة جدا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع وائل جسار: "أنا قلت كله هيهاجمني ويقول أن دماغي قديمة لكن لحرصي على الفن العربي واجب علينا كلنا كفنانين وشعراء وملحنين نحارب هذه الآفة اللي إحنا موجودين فيها، أنا قلت قبل كده مش غيرة من أي حد كل واحد وليه جمهوره، لكن غيرة على الفن، الأغاني بقت تعتمد على الترند وأن اسمنا يظهر أكتر".

نرشح لك: بالوردي والأبيض … أسماء أبو اليزيد تستعرض حملها في جلسة تصوير جديدة

وشدد وائل جسار أنه لا يقصد أي شخص بكلامه وعن سؤال بسمة وهبة له إن كان يقصد عمرو دياب قال: "عمرو دياب دا الهضبة وكل الوطن العربي بيقلده أنا مش بتكلم عنه، أنا مشفتش أغنية "لولا البنات" سمعت كذا أغنية منها "الألوان" بحبها هي بونبوناية بس بالنسبة ليا مقبلش إني أغنيها لأنها مش لوني، الفنان لازم يكون متنوع اه لكن في حد أدنى وحد أقصى في فنانين معيين وصلوا للحد الأقصى للكلام الركيك واللحن".

وأضاف: "مش بقصد أي حد بكلامي ومفيش حد في دماغي أنا بتكلم بشكل عام، كل فنان مبيقدمش فن حلو أنا ضده، وربنا يوفق أي حد بيعمل الأغاني دي هما ليهم جمهور ويمكن بيحبوا الستايل دا، أنا مش بتكلم غير على الناس اللي بتغير من أعمالها وتعمل أغاني عشان شهر نبقى "ترند" أنا بالنسبة ليا كوائل جسار بقدم فن حلو مش عارف إذا في عليا انتقاد أو لأ لكن بنظر كتير من الناس أنا بقدم فن أجيال قادمة ممكن تسمعه، لكن الحاجات اللي بنسمعها مؤخرا كارثة بشكل عام".

ووجهت بسمة وهبة لوائل جسار سؤالا عن رأيه في الفنان أمير عيد وما يقدمه مع فريقه "كايروكي" ليجيبها: "مين دا والله ومش تقليل منه معرفوش، أتمنى محدش من جمهوره يزعل لكن بصراحة مش عارفه".