نيللي كريم ترد على شائعات تسببها في انفصال شريف سلامة

نهال ناصر | فى حياة المشاهير

نيللي كريم وشريف سلامة

الأحد , 21 يونيو 2026 - 13:56 | اخر تحديث: الأحد , 21 يونيو 2026 - 13:56

ردت الفنانة نيللي كريم على الشائعات التي طالتها الفترة الماضية حول تسببها في طلاق الفنان شريف سلامة من زوجته الفنانة داليا مصطفى.

وخلال لقائها في برنامج "مساحة خاصة" وجه لها مقدم البرنامج علي ياسين سؤالا قال فيه "من أكتر الشائعات عنك مؤخرا أنك سبب طلاق شريف سلامة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وردت نيللي كريم على هذه الشائعة قائلة: "إيه دا بجد مسمعتهاش دي شريف صاحبي جدا واشتغلنا مع بعض كذا مرة، أكيد شريف لما هيسمع هيضحك، اللي بيقول كده ناس فاضية مش لاقيين حاجة يعملوها".

نرشح لك: نيللي كريم: اتحرمت من أبنائي سنتين

وخلال اللقاء تحدثت نيللي كريم عن معاناتها من حرمانها من بناتها في فترة من الفترات بعد طلاقها.

قالت نيللي كريم: "اتحرمت من ولادي لفترة سنتين وتأثرت جدا، في العموم لما الناس بتيجي تتطلق، بيحصل حتة انتقام، شخص بينتقم من شخص، ممكن الست بتنتقم من الرجل أو العكس، وبيبقى في ولاد في النص مالهمش دعوى بالمشاكل اللي حصلت لكم واختياراتكم الزفت وسلوككم وأنانيتكم، بلاش تحطوا الأولاد في النص، الحاجات دي بتأثر على نفسية الأولاد جامد جدا، فكرة أن حد مش طايق التاني فبيطلع غله في العيال دي كارثة".

وتابعت نيللي كريم: "الأصعب إن الطفل لما بيبقى مع الشخص الآخر، إن كان الرجل أو الست، ولكن الشخص دا بيكرهك، بيقول للأولاد إن ماما مابتحبكيش، ماما بتكرهك وماما هي اللي سابتك، ماما هي الشخص الوحش، وبيطلع غصب عنه جواه الفكر دا وانت معملتش حاجة بس هو بيكرهك، وفي الوقت دا بيبقى أدام الشخص دا طريق المحاكم وتغصب نفسك وصراعات، يا إما تسيبها على الله، وصدقني في الآخر ربنا مابيضعيش حق حدا".

واستكملت نيللي كريم: "الأم من حقها الحضانة، مشكلة القوانين وإن كل بني آدم وكل عيلة وعندها قصة، مش كل الرجالة وحشين ومش كل الستات وحشين".

يذكر أن نيللي كريم يعرض لها حاليا في دور السينما فيلم "القصص" وهو من تأليف وإخراج أبو بكر شوقي، وشارك في بطولته كل من أمير المصري، أحمد كمال، حسن العدل، صبري فواز، ومجموعة كبيرة من الفنانين.