محمد إمام يعتذر عن مشهد الولادة: مش قصدي أقلل من مهنة عظيمة ... كبرتوا الموضوع ليه كده

مي جودة | فى حياة المشاهير

محمد إمام

الأربعاء , 18 مارس 2026 - 20:03

وجه النجم محمد إمام رسالة لمنتقدي مشهد الولادة في مسلسل "الكينج" الذي لاقى انتقادات كبيرة بسبب جملة حوارية على لسانه.

وكتب محمد إمام عبر صفحته الرسمية عبر حسابه بموقع Facebook: "لاحظت الفترة الاخيرة جدل على مشهد الولادة في مسلسل #الكينج .. كنت حابب اوضح اني مش قصدي اقلل من مهنة عظيمة او من الحدث نفسه .. انتوا كبرتوا الموضوع ليه كده، على العموم اسف على اي سوء تفاهم".

محمد إمام

وكانت ميرنا جميل علقت على نفس المشهد، قائلة: "ميرنا جميل على الانتقادات التي وجهت لمسلسل "الكينج" بسبب مشهد الولادة الذي جمعها مع الفنان محمد إمام.

وقالت ميرنا جميل خلال لقائها في برنامج "نجوم رمضان أقربلك" مع إنجي علي عبر إذاعة وقناة "نجوم FM": "في حاجات كتير في المسلسل مش بس مشهد الولادة معمولة إحنا مأفورين فيها شوية لأنه مسلسل في رمضان وقصة صعود تاجر سلاح وفي حاجات تانية كتير إحنا عملناها بشكل كوميدي واتقال كام إفيه بتاع "عاجبك منظري" والناس حبته بس شفت دكتورة كاتبة أن دا طب وعلم أخدوا الموضوع في حته عميقة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت ميرنا جميل: "ومفيش حاجة إحنا داخلين نهزر وعلاقة "حمزة" و"هدية" بيقولها "هديكي كشاف في وشك" أكيد مش هيضربها بس هي دي علاقتهم أخدوا الموضوع جد وهو مفيش حاجة بجد إحنا بنهزر، وفي كام جملة اتقالوا كانوا حلوين محمد إمام عمل مشهد مع الممرضة وهي بتقوله لازم تدخل وتشوف مراتك وهي بتتعب في الولادة مشافوش الحلو، ولما ولدت باس إيدها ما تشوفوا الحلو طيب".

ومسلسل "الكينج" بطولة: محمد إمام، وحنان مطاوع، ومصطفى خاطر، وميرنا جميل، وعمرو عبد الجليل، وسامي مغاوري، وكمال أبو رية، وحجاج عبد العظيم، وانتصار، وعماد رشاد، وبسنت شوقي، ولبنى ونس، وأحمد فهيم، وأحمد كشك، وياسر الزنكلوني، ومحمد خميس، ومصطفى البنا، تأليف محمد صلاح العزب، وإخراج شيرين عادل.