السدير مسعود: خفت على عصام عمر في مشهد وفاة والدته في "عين سحرية" وبكيت معاه

نهال ناصر | فى سينما وتلفزيون

السدير مسعود

الثلاثاء , 17 مارس 2026 - 13:22 | اخر تحديث: الثلاثاء , 17 مارس 2026 - 13:22

حكى المخرج السوري السدير مسعود كواليس أصعب مشهد في مسلسل "عين سحرية" الذي عرض في النصف الأول من شهر رمضان 2026 وحقق نجاحا كبيرا.

وقال السدير مسعود خلال لقائه في برنامج "نجوم رمضان أقربلك" مع إنجي علي عبر إذاعة وقناة "نجوم FM": "مشهد وفاة "نوال" والدة "عادل" في "عين سحرية" كان من أصعب المشاهد خفت على عصام عمر هو أتأثر أكتر من مرة وقت التصوير وكنا بنوقف ويخرج يقعد برا ياخد نفس ويرجع تاني يكمل تصوير، وبكيت معاه وحسيت بكل حاجة بيحسها أنا بعتبر نفسي المشاهد الأول وإذا محسيتش باللحظة دي يبقى في حاجة غلط".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأكمل السدير مسعود: "مشهد الموت ومشهد عودته من الدفن دي من أصعب المشاهد في المسلسل ومشاهد قاسية، وأنا كمخرج بحب إعادة تصوير المشاهد أكتر من مرة لكن في اللحظات دي صعب إنك تعيد المشهد لأنه في إحساس اللحظة الأولى للممثل، عصام عمر كان دايما مستجيب للإعادة، وفي لحظة سبت له الكاميرا لأني مؤمن أن الممثل في لحظات لازم تسيب له إحساسه".

نرشح لك: ممثلة ومخرجة مسرحية رحلت بعد غيبوبة 40 يوما بسبب حادث سير … 10 معلومات عن نهال القاضي

مشهد من مسلسل عين سحرية

وأضاف: "في المشهد لما بيرجع من الدفن وبيدخل لغرفة والدته "نوال" عصام عمر حط إيده على السرير ودا مكنش متفق عليه في اللحظة دي أنا جسمي قشعر وكل الموجودين كانوا ساكتين مش بيتكلموا عشان ميخرجش من المود اللي دخل فيه".

وعن عصام عمر قال السدير مسعود: "عصام عمر عنده استيعاب كبير لفكرة الشراكة عارف أن المشروع هو مش بس ليه هو لكل الناس اللي مشاركة فيه، مرحب دائما بفكرة الإعادة وأننا نوصل لحل أفضل وهو شخص ذكي جدا عارف هو عايز إيه وعايز يوصل للشارع إيه دخلنا في نقاشات كتيرة حول إحنا عايزين إيه من شخصية "عادل" دا الشيء اللي خلانا نوصل لنتيجة مرضية جدا واستعمت بالشغل معاه حسيت إني مع أخويا".

مسلسل "عين سحرية" بطولة عصام عمر، وباسم سمرة، وفيدرا، وعمرو عبدالجليل، وسما إبراهيم، وجنا الأشقر، وفاتن سعيد، تأليف هشام هلال، وإخراج السدير مسعود.

اقرأ أيضا:

هل سيتم تقديم جزء ثان من "الست موناليزا"؟ المؤلف يجيب

جوري بكر: ياسر جلال غير متكلف وكسر الحاجز الزجاجي بيننا في "كلهم بيحبوا مودي"

كريم قاسم: غيرنا نهاية "منعم" في مسلسل "مناعة" 4 مرات

فيديو - جوري بكر عن جدل الأعلى مشاهدة في رمضان: كل واحد شايف نفسه رقم واحد هو حر

بيتر ميمي يرد على كابتن إيلا بعد تعليقها على مسلسل "صحاب الأرض"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5