ابنة يوسف شعبان: أمنيتي كانت إني أمثل معاه وبدأت في الكويت عشان محدش يقارني بيه

نهال ناصر | فى حياة المشاهير

ابنة يوسف شعبان

الاثنين , 2 فبراير 2026 - 15:18 | اخر تحديث: الاثنين , 2 فبراير 2026 - 15:18

تحدثت الفنانة الشابة زينب يوسف شعبان عن دخولها مجال التمثيل موضحة أن والدها كان يخاف عليها كثيرا لكنه دعمها أيضا.

وقالت زينب يوسف شعبان خلال لقائها ببرنامج "كلمة أخيرة": "بابا الله يرحمه مكنش مع موضوع أن أي حد من أولاده يدخل في سكة الإعلام بس أنا علاقتي بيه كانت غير لما دخلت الجامعة قلت له إني تخصصت إعلام هو قالي أنتي هتبقي مذيعة، وكنت عايزة أخليه مبسوط ويشوف إني قد الموضوع، اتخرجت وبقيت مذيعة فعملت اللي كان رغبته أكتر".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت زينب يوسف شعبان عن سبب عدم تحمس والدها لدخول عالم التمثيل: "هو عارف أن مجال التمثيل صعب وكأب وأنا بنته الصغيرة صعب أنه يتقبل الموضوع وهيخاف عليا غير لو كان أخويا، حتة الحنية اللي كانت مأثرة فيه أنا حبيت اثبت أن عندي القدرة والشغف، هو شافني وأنا مذيعة وكان فخور وقلت له ممكن بقى نجرب التمثيل، للأسف ملحقتش أمثل وهو عايش كانت أمنيتي أطلع في مسلسل معاه، أي حاجة تجمعني معاه".

نرشح لك: #شرطة_الموضة: أمينة خليل بفستان انسيابي في حفل "رمضان بريميير" ... سعره 165 ألف جنيه

يوسف شعبان وابنته زينب

وأوضحت زينب يوسف شعبان سبب بدايتها بالتمثيل في الكويت قائلا: "دخولي التمثيل كان صدفة وبدأت في الكويت كان صدفة كان حلو إني ابدأ هناك عشان ميكونش في أي مقارنة أنا فخورة ومحظوظة أن بابا يوسف شعبان بس من الناحية الفنية مش عايزة اتقارن معاه، فروحت سكة بابا مرحهاش حبيت أثبت نفسي في الخليجي".

وتطرقت في حديثها لمشاركتها بمسلسل "لعبة وقلبت بجد" وتقديمها دور خليجية موضحة أن الدور عرض عليها باللهجة الخليجية قائلا: "كنت عارفة أنهم هيشوفوني ويقولوا إزاي بنت يوسف شعبان ومفيش كلمة مصرية بتخرج منها بس عارفة أن هيشوفوني ويعرفوا إن عندي اللهجة المصرية".

اقرأ أيضا:

درة بفستان "قطيفة" بتصميم "عروس البحر" في حفل "المتحدة" للإعلان عن دراما رمضان 2026

عمرو أديب: عمرو سعد الأعلى أجرًا في الدراما.. وأعماله تتصدر القيمة التسويقية عربيًا

الأعلى للإعلام: إحالة الموسيقار هاني مهنا إلى اتحاد النقابات الفنية ومنع ظهوره إعلاميًا

سامح الصريطي يتحدث لأول مرة عن إصابته بجلطة في المخ: لما استرجع اللي حصل أقول إزاي عديت منها

لا يفوتك: لقاء الخميسي تسامح عبد المنصف ... اللي جاي كله حب وشغف وسلام

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5