طليقة أحمد مكي: الفضايح سهلة بس مش تربيتي … بعض المقربين منه سربوا رسائل خاصة بنا

نهال ناصر | فى حياة المشاهير

أحمد مكي ومي كمال الدين

الأربعاء , 24 سبتمبر 2025 - 11:31 | اخر تحديث: الأربعاء , 24 سبتمبر 2025 - 16:07

خرجت طبيبة التجمل مي كمال الدين طليقة الفنان أحمد مكي عن صمتها وردت على كل من اتهمها أو تحدث عنها أنها تستغل شهرته وتحاول ربط اسمها باسمه.

وكتبت مي كمال الدين عبر خاصية القصص القصيرة في حسابها على Instagram: في حديث الرسول: آية المنافق ثلاث إذا حدث كذب، وإذا عاهد أخلف، وإذا خاصم فجر، والصفات دي مش هتكون فيا لو على موتي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت: "أولا خصوصية إيه اللي أنا محترمتهاش هل أنا نشرت شيء خاص بيني وبين أحمد؟؟ هل أنا خرجت وشتمت أحمد؟؟ هل قولت فيه كلمة تعيب فيه؟؟ زي ما البعض وأغلب الناس والمشاهير تحديدا بيعملوه كده في وقت الخلاف، على فكرة الأذية سهلة والفضايح سهلة بس مش من طبعي ولا تربيتي أنا اتقيت الله في نفسي وفيه".

نرشح لك: نقل رحمة أحمد للمستشفى بحالة حرجة بعد إصابتها بتضخم في الكبد

وأضافت: "إية كمية التهم اللي نازلة ترف عليا وأنا اقتحمت خصوصيته!! وخلفت العهد، هختصر كلام في حاجة أنا موضحتهاش، أنا مفيش أي تواصل بيني وبين أحمد بعد وفاة والدته إلا بعد شهرين وحصل خلاف كبير جدا خلى حتي اللي بينا يروح في حته مكنتش أنا متخيلها ...
وقتها رضيت وسكت واحترمت أزمة وفاة والدته جدا لأن انا بحب وبحترمها جدا الله يرحمها، طلبت منه يرد جزء من اللي بيحصلي
من ناس من طرفه مكنش فيه أي رد فعل منه".

وأكملت: "اكتشف بعد شهور تحديدا يوم عيد ميلاده فيديو ملهوش أي لازمة أن أحمد له علاقة بحد معين وبعدها فيديو ينزل ليا بصوري وأن أنا عروسة أحمد مكي وأن علاقة السابقة المعلنة دي كذب وأن عروسته مي كمال اللي هو أنا، حاولت اتواصل وافهم ليه بيحصل كده؟؟
حاولت اكذب موضوع نشرت قبل كده والله أنا منفصلة عنه، وبرضه المشاكل وقلة أدب اللي حواليه مرحمتنيش ومسدجات خاصة بينا وأمور خاصة بينا اتعرفت عند اللي حواليه معرفش منين اتصدمت جدا ... إزاي ودي بيني وبينه هو فقط !!!!!!!!".

تعليق طليقة أحمد مكي

وتابعت مي كمال الدين: "بعتله إني ساكته احتراما لوالدتك وأخوك الكبير فقط مش أكتر ولحد دلوقتي بعمل كده عشان والدته وأخوه فقط
ف سبب كلامي وشكرت فيه، أولا أنا مبحبش أبان ضعيفة أو مكسورة أو أصعب على حد ولا بحب صعبانيات، ثانيا فعلا حبيته وبحترمه وبقدر الخير اللي بينا، ثالثا مش جايز بحمية وبحمي نفسي بعد ربنا وبدل ما يتقال عليا وعليه أسوأ كلام وبرد حقي مينفعش أنا أو هو مهما كان بينا يتقال كلام قذر وأكاذيب زي اللي سمعتها من حواليه، عارفة أنه أدايق بسبب موضوع سوشيال ميديا بس ليه الهوجة طيب مطلعتش وقت أن اتقال عروسة أحمد مكي مدام بتتكلموا عن الخصوصية !!!!!".

وأكملت: "رغم أنا اتاكدت أن كلام طالع من حواليه ومصادر مؤكدة أكدت ده وطلبت فيديو يتشال ملحوظة، أنا برد جزء كبير من نفسيتي التشوهت وحقي لأن أنا شايلة اسم أبويا الله يرحمه مش فارقلي 1% اسمي يتربط بأحمد مكي أو غيره هل طلبت حق من أحمد أو يرد لي ربع الي عملته معاه ؟؟؟؟؟ أحمد ذات نفسه عارف أن مشفش مني غير كل خير. وأنا كذلك لأن هفتكر له الخير دي الأصول مش هطلع اتكلم عليه وحش حتي لو هو او أي حد تبعه عمل كده هفضل اشكر فيه احتراما لوالدته الله يرحمها وتقديرا لها".