عبير عادل ابنة الوزير في "لن أعيش في جلباب أبي": بقالي 7 سنين غايبة عن الفن وبشتغل سواقة عشان أعيش

نهال ناصر | فى حياة المشاهير

عبير عادل

السبت , 20 سبتمبر 2025 - 11:09 | اخر تحديث: السبت , 20 سبتمبر 2025 - 11:09

تحدثت الفنانة عبير عادل عن قلة الأعمال المعروضة عليها مما دفعها للعمل على سيارتها كسائقة في أحد تطبيقات التوصيل.

وقالت عبير عادل خلال لقائها في برنامج "أنا غير" مع مجدلا خطار عبر قناة "المشهد": "الشغل شرف لأي إنسان ممكن يكون في متغيرات في حياته في الظروف المحيطة، مفيش شغل كانت الوسيلة اللي قدامي إني استخدم العربية علشان اشتغل، من ممثلة لسائقة توصيل، رد فعل الناس اتبنى عليه رد فعلي مكنتش متخيلة أن رد الفعل هيبقى بالشكل الإيجابي السريع أنا انبسطت من رد فعل الناس لأنهم شجعوني مكنتش متخيلة دا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

عبير عادل من مسلسل لن أعيش في جلباب أبي

وتابعت عبير عادل: "بقالي 7 سنين غايبة عن الفن ومش بإرادتي السوق عرض وطلب مش بطلب، في الفن تتوقع أي حاجة لأن هي لعبة أنتي مش عارفة الدور بتاعك هيخلص أمتى بتبقى حاجة مؤثرة طبعا في اللي بيحب اللعبة دي لما بيطلع برا الملعب بتاعة أكيد زعلانة ونفسي أنزل اشتغل تاني لكن وجدت البدائل عشان الحياة تستمر".

نرشح لك: أمينة خليل وريهام عبد الغفور وحنان مطاوع ونيكول سابا ومحمد شاهين من بينهم ... نجوم الفن في حفل توزيع جوائز "دير جيست" 2025

وأضافت عبير عادل لتحكي عن بداية عملها كسائقة: "لما لقيت الفترة طولت والاحتياجات والمتطلبات بتزيد دا طبيعي كان لازم أدور على بديل، في أول يوم وأنا بشتغل كنت خايفة لأن كل شغلانة ليها تفاصيلها وأدواتها ومكنتش عارفة أي حاجة بس اتعودت وبقيت عارفة، أول راكب كانت واحدة ست ووديتها منطقة كانت شعبية وبعد ما نزلت مبقتش عارفة أطلع من المنطقة إزاي وبقيت اسأل الناس وبعدها جالي طلب تاني من ست كانت لطيفة، الأولانة مرضيتش تقعد جنبي وقعدت ورا ومكنتش بتتكلم معايا وأنا أصلا مخضوضة وتجربة جديدة وهي زودتلي التوتر، التانية كانت ست لذيذة وقعدت تتكلم معايا ووصلتها المشوار بتاعها معرفتنيش لأنها مكانتش مصرية".

View this post on Instagram

A post shared by Al Mashhad المشهد (@almashhadmedia)

وعبير عادل ممثلة مصرية اشتهرت خلال فترة الثمانينات والتسعينيات ومن أشهر أعمالها "لن أعيش في جلباب أبي".

قدمت عبير عادل في مسلسل "أن أعيش في جلباب أبي" دور ابنة الوزير (رشوان توفيق)، وشقيقة ياسر جلال في المسلسل.

ومسلسل "لن أعيش في جلباب أبي"، عرض لأول مرة سنة 1996، وشاركت به مجموعة كبيرة من الفنانين: نور الشريف وعبلة كامل، عبد الرحمن أبو زهرة، محمد رياض، وغيرهم، إخراج أحمد توفيق، عن رواية للكاتب إحسان عبد القدوس، سيناريو وحوار مصطفى محرم.