فيديو - أحمد سعد: اكتشفت عيوب في شخصيتي عن طريق دكتور نفسي

محمد سليم | فى سينما وتلفزيون

أحمد سعد

الجمعة , 12 سبتمبر 2025 - 23:23 | اخر تحديث: الجمعة , 12 سبتمبر 2025 - 23:23

كشف النجم أحمد سعد عن سبب لجوئه لطبيب نفسي، بعد شعوره بضغوط عديدة ومشاكل كانت تحول بينه وبين ظهوره بشخصيته الحقيقية.

وقال أحمد سعد خلال حواره مع الإعلامية منى الشاذلي في برنامج "معكم" المذاع عبر قناة ON: "أنا بحب الطب النفسي وبحب أروح لدكتور نفسي، وفعلا اكتشفت عيوب في شخصيتي عن طريق دكتور نفسي، كان عندي مشاكل بتخليني مش قادر أشوف نفسي الحقيقية".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أحمد سعد

وأضاف أحمد سعد: "أكبر عيب كان في شخصيتي هو إرضاء الآخرين على حساب نفسي، ومبقتش مستمتع بشكل كبير، عندي كل الحاجات الخارجية اللي ممكن تخلي الواحد مستمتع بس مش مستمتع، وكان نفسي أفهم إيه هي المتعة".

أحمد سعد

أوضح أحمد سعد أنه مر برحلة تساؤلات حول معنى المتعة قائلا: "بحثت في كل الحاجات، هل المتعة إني يبقى عندي علاقة بالدين أو أصحابي، أو أخرج بشكل كبير وآكل أكلة حلوة، واكتشفت إن كل ده مش المتعة، المتعة إنك تكون ذاتك ونفسك، مش مصطنع عشان ترضي الناس حواليك".

طالع أيضا - ملك أحمد زاهر بفستان أصفر يبرز رشاقتها في حفل زفاف إحدى صديقاتها

أحمد سعد

وأشار أحمد سعد إلى أن تلك التساؤلات شجعته على استشارة طبيب نفسي قائلا: "الأسئلة بدأت تطاردني بشكل كبير، وكان لازم ساعتها أتكلم مع دكتور نفسي. كان في حاجات طول عمري مش متصالح معاها، زي إني وأنا صغير كنت الولد الأصغر في إخواتي، وكنت دايما يبعتوني أجيب لهم الطلبات، وبعمل حاجات كتير مش راضي عنها".

أحمد سعد

تحدث أحمد سعد عن الاستنتاجات التي توصل لها بعد استشارة الطبيب النفسي قائلا: "توصلت لإنك لما بتقابل حد بتتطبع بشكل الحد اللي قدامك، إنما شخصيتك الأساسية مش ظاهرة، زائد إني بسبب شغلي كان عندي حب الظهور، وأحب أهزر كتير عشان أبقى جوكر القعدة".

كما تحدث أحمد سعد عن سلوك يعتقد البعض أنه أحد أوجه الغرور قائلا: "لازم تشوف الحاجات الحلوة والنعم اللي فيك ونقط القوة عندك، مش غرور إنك تقول أنا فعلا إنسان لذيذ وشكلي حلو، وطيب وبحب الخير للناس".

اقرأ أيضا:

#شرطة_الموضة: أحمد سعد بإطللالة بيضاء في حلقة "معكم منى الشاذلي" ... سعر الجاكيت 80 ألف جنيه

#شرطة_الموضة: حقيبة بتصميم مميز تزين إطلالة جيهان الشماشرجي سعرها 32 ألف جنيه

أحمد سعد: أغنية "سايرينا" غيرت حياتي.. ونجاحي حصل لما ربنا شاور عليا

مدير أعمال حياة الفهد ينفي نقلها لبريطانيا لتلقي علاجها

لا يفوتك: ريمونتادا وخفة دم ونزاهة.. بداية نارية في الحلقة الأولى من "غالب ولا مغلوب"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5