أحمد الجندي يتحدث عن خلاف بيومي فؤاد ومحمد سلام: سلام ساعات بيبقى مندفع وبيومي "عاطف السكري"

مي جودة | فى حياة المشاهير

أحمد الجندي

الجمعة , 11 يوليو 2025 - 15:24 | اخر تحديث: الجمعة , 11 يوليو 2025 - 17:28

حل المخرج أحمد الجندي ضيفا على برنامج "إنرجي بلس"، وتحدث عن رأيه في الخلاف بين الفنانين بيومي فؤاد ومحمد سلام وكيف حاول تفادي أي تفاقم للأزمة في آخر أجزاء مسلسل "الكبير".

قال أحمد الجندي: "أنا الموضوع اللي فارق معايا العلاقة الشخصية، في الشغل مش فارقة، إن شالله ما اشتغلنا، أنا بحط رأيي، وكل ما قربت درجة الصداقة كل ما زادت درجة الصراحة، الاتنين قريبين جدا عائليا وإحنا عشرة على مستوى الشغل من "طير أنت"، و"الكبير"، الفرق بينهما سنة، ونجحنا مع بعض، الموضوع كان ممكن يخلص أبسط من كده بكتير لكن اللي حصل حواليه كبير جدا، وولع الدنيا وبوظ حاجات كتير وناس كتير دخلت تخدم على الجانبين، فالدنيا تاهت".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أضاف: وقت تصوير "الكبير أوي" فصلنا المشاهد، كانت مرحلة كلها كانت تخبط، والاتنين منتهى الطيبة، وماقبل الموضوع دا كانوا أقرب 2، قبل الموضوع أنا لما كان بيبقى عندي مشكلة مع سلام في حاجة، كنت بروح لبيومي وأقول له عقله، سلام عصبي وساعات بيبقى مندفع وسريع الغضب وسريع الاعتذار، وبيومي عاطف السكري.

وتابع أحمد الجندي: حاولنا نضبط الموضوع لكن محصلش بسبب الحاجات اللي حواليه سواء سوشيال ميديا أو بني آدمين أو قرارات، الموضوع كبر.

وكان بيومي فؤاد خرج في نهاية عرض مسرحية "زواج اصطناعي" بموسم الرياض بعد اعتذار محمد سلام عن عدم المشاركة في المسرحية قائلا: "من حقك أنك تعتذر عن المسرحية لكن مش من حقك أنك تغلط في فنك، إحنا مبنجيش علشان نضحك حضراتكم إحنا بنقدم فننا المصري إنتوا بتحترمونا وإحنا بنحترمكم جدا شيء عظيم أني أخرج اتصور مع شاب سعودي ومع سيدة سعودية وهي تعلم أني مصري أنا بشرف بلدي".

مسلسل "الكبير أوي" الجزء الأخير من إخراج وتأليف أحمد الجندي وبطولة أحمد مكي ورحمة أحمد ومصطفي غريب ومحمد سلام وبيومي فؤاد، أما الأجزاء الأولي فكانت البطولة لمحمد شاهين وهشام إسماعيل ودنيا سمير غانم.