شام الذهبي عن "آدم" ابن تامر حسني: عريس المستقبل لبنتي ربنا يشفيه

نهال ناصر | فى حياة المشاهير

شام الذهبي وبسمة بوسيل وتامر حسنيو ابنهما آدم

الاثنين , 16 يونيو 2025 - 10:06 | اخر تحديث: الاثنين , 16 يونيو 2025 - 10:06

تحدثت شام الذهبي عن "آدم" نجل الفنان تامر حسني وبسمة بوسيل، ووصفته بأنه عريس ابنتها "جيجي" داعية له بالشفاء العاجل.

وقالت شام الذهبي في لقاء مع ET بالعربي: "ربنا يحفظ أدومي لأنه إن شاء الله يارب يبقى عريس المستقبل لبنتي "جيجي" أنا وبسمة اتفقنا، أنا عايزة بسمة تبقى حماة جيجي وتامر يبقى حما إيه الحلاوة دي".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

شام الذهبي وابنتها جيهان

وتابعت شام الذهبي: "أدم دا حبيبي بموت فيه من وهو صغير حبيب قلبي يارب يارب يشفيه ويشفي كل أولادنا يارب ومنشوفش عمرنا حاجة وحشه في أولادنا لأن أنك تشوف ابنك أو بنتك تعبانة دي حاجة قاتلة يارب ما تتكررش تاني ويشفيه يارب ويحفظ كل الولاد، هو بقى أحسن الحمد لله بس لسه في المستشفى".

نرشح لك: تحمل لقب "ملكة جمال" وشبهها الصعايدة بـ "البسبوسة" وهدد معجب بالانتحار لتتزوجه … 30 معلومة عن باسكال مشعلاني

View this post on Instagram

A post shared by ET بالعربي (@etbilarabi)

وكان تامر حسني كشف عن تطورات حالة ابنة "آدم" الصحية وكتب عبر حساباته في مواقع التواصل الاجتماعي: "لكل الغاليين اللي اهتموا بتعب ابني الحمدلله الوضع مستقر بعد العملية التانية وخرج من العناية المركزة بفضل الله ثم دعواتكم اللي لو عشت أشكركم عمري كله مش هوفي حقكم وربنا يتمم الشفاء على خير، ودايماً بقول على دعواتكم الكريمة: لكم مثلها وأضعاف أضعافها. شكراً يا أغلى الناس ربنا يحفظكم. ويحفظ ولادكم قادر ياكريم".

بسمة بوسيل وتامر حسنيو ابنهما آدم

وكان تامر حسني كشف تفاصيل الوعكة الصحية التي تعرض لها نجله، وكتب عبر حسابه بموقع Facebook: "أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا و على تليفوني و تليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس، وبقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد وخلاص لا روحوا اكشفوا كويس، واعملوا سونار على البطن والزايدة مرة و٢ عشان برضو ساعات مش بيبان، ولازم الدكتور يضغط بطريقة معيّنة، تقريباً أقوى شوية عشان يعرف، لإني سمعت كتير اليومين دول إن الزايدة خادعة".

وتابع تامر حسني: "اطمنوا كذا مرة قبل لحظة انفجارها عشان بجد مشاكل بتحصل بعدها كبيرة ومحزنة أوي، وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب ويعدي مرحلة الخطر يارب، بحق كن فيكون، اشفيه وعافيه، هو وكل ولادنا، بس هو راجل وهيتحمل وإن شاء الله ربنا يكرمه و يعافيه و يحفظه هو و إخواته و يحفظ كل ولادكم يارب.