ملك أحمد زاهر تكشف تفاصيل حالتها الصحية: حساسية في الدم ... شكرا لكل اللي سأل عني أنا بخف وبتحسن

محمد سليم | فى حياة المشاهير

ملك أحمد زاهر

الجمعة , 13 يونيو 2025 - 21:44 | اخر تحديث: الجمعة , 13 يونيو 2025 - 21:44

حرصت الفنانة الشابة ملك أحمد زاهر على طمأنة جمهورها على تطورات حالتها الصحية، وذلك بعد أيام من الحيرة التي عاشتها أسرتها، بسبب تعذر معرفة طبيعة المشكلة الصحية التي تمر بها، واستدعت حجزها في المستشفى لمدة 5 أيام.

وكتبت ملك أحمد زاهر عبر "ستوري" صفحتها الرسمية في موقع التواصل الاجتماعي إنستجرام: "أنا والله ما كنت متوقعة كل الي حاصل ده انا لما حبيت اشارك حالتي الصحية كان عشان انا كنت مخضوضة جدا علي نفسي، و فكرة ان لا انا ولا الدكاترة حتي عارفين انا عندي ايه كانت رعباني، وكنت محتاجة بس اوصلكم اني حياتي فيها الحلو وفيها الوحش، وقلت في الستوري ان الموضوع مش الغرض منه القلق، واني مش عايزة حد يقلق عليا انا كويسة، وكده كده احسن من غيري و عندي يقين في ربنا انه هايقومني بالسلامة، وإن شاء الله تبقى حاجة بسيطة، بس من خضتي كتبت مع ان دي مش طبيعتي اني اشارك الحاجات السلبية عموما".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

ملك أحمد زاهر

عبرت ملك أحمد زاهر عن امتنانها لكل من اهتم بمعرفة حالتها الصحية قائلة: " انا بس مش عارفة اقول ايه ولا ايه من قلبي بشكر كل حد سأل عليا ودعالي والله كله كان بيوصلني وانا اسفة لو مردتش على حد، وبشكر كل زمايلي واساتذتي الي كانوا بيسألوا عليا كل يوم و مسابونيش لحظة و كل صحابي و عيلتي الي كانوا جمبي".

ملك أحمد زاهر تكشف تفاصيل حالتها الصحية

وأضافت ملك أحمد زاهر: "أنا الحمد لله بقيت احسن من الاول وبطلت اروح المستشفى الحمد لله. بحمد ربنا انها جت على اد كده حتى لو الايام الي فاتت كانت صعبة، والي عندي ده حاجة مخيفة شوية وخضتنا بس برضو انا كويسة والحمد لله انها جت على اد كده. اكيد ربنا حماني من حاجة اكبر، وأهم حاجة إن عرف السبب بطل العجب والحمدلت اننا عرفنا".

طالع أيضا - مايان السيد تخطف الأنظار بإطلالة ذهبية في حفل زفاف شقيقتها

ملك أحمد زاهر

وتابعت ملك أحمد زاهر موضحة طبيعة مشكلتها الصحية: "هي حساسية شديدة في الدم والموضوع critical شوية بس انا مطمئة، أنا بخف وباتحسن كل يوم الحمد لله والشكر لله، ومافيش حاجة خطيرة باذن الله، وانا اسفة لو كنت قلقتكم بس ده مكانش الغرض ابدا، والله شكرا من كل قلبي على الحب ده أنا عرفت غلاوتي عندكم و عند كل الي حواليا بشكركم من قلبي".

ملك أحمد زاهر

وكان الفنان أحمد زاهر كشف في وقت سابق عن خروج ابنته ملك من المستشفى، وسط حالة من حيرة الأسرة والأطباء (التفاصيل)

ملك أحمد زاهر

يذكر أن ملك أحمد زاهر عرض لها في شهر رمضان الماضي مسلسل "سيد الناس"، بطولة عمرو سعد، خالد الصاوي، إلهام شاهين، أحمد زاهر، أحمد رزق، بشرى، منة فضالي، أحمد فهيم، رنا رئيس، نشوى مصطفى، وآخرين، تأليف وإخراج محمد سامي.