فيديو - بسمة وهبة: أحمد السقا قاللي تليفوني فيه عفريت ... وأنصحك يا مها نقفل الموضوع ونطفي النار

محمد سليم | فى سينما وتلفزيون

بسمة وهبة

الجمعة , 23 مايو 2025 - 00:34 | اخر تحديث: الجمعة , 23 مايو 2025 - 00:34

وجهت الإعلامية بسمة وهبة عبر برنامج "90 دقيقة" المذاع على قناة المحور نصيحة للإعلامية مها الصغير، وذلك بعد الإعلان عن طلاقها رسميا من النجم أحمد السقا.

وقالت بسمة وهبة خلال تقديمها حلقة الخميس من البرنامج: "أنا حاسة بالحيرة والمأساة علشان أحمد، وده مش معناه إني بوجه لك اتهام يا مها، لكن بنصحك علشان خاطر ولادك، لأن الناس ظاطت في الموضوع وكبر، والناس بدأت تجيب سيرة أفراد الأسرة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أحمد السقا ومها الصغير

وأضافت بسمة وهبة: "نقفل الموضوع ونطفي النار، وممكن تحلي مشاكلك في غرف مغلقة، وحق الرد مكفول، اللي بطلبه منك التروي، ومتسلميش دماغك لحد، والله خرابين بيوت، وبقوللك يا مها افتكري أيامك الحلوة مع أحمد".

أحمد السقا ومها الصغير

وجاء ذلك بعد أن كشفت بسمة وهبة خلال تقديمها برنامج "90 دقيقة" تفاصيل مكالمتها مع أحمد السقا عقب إعلان الطلاق.

وقالت بسمة وهبة: "في حاجة خطيرة جدا أحمد السقا قالهالي، قاللي كان في عفريت في تليفوني، يبعت رسايل لناس وتختفي، ويحول فلوس وعلى ما يبلغ البنك تكون اختفت".

طالع أيضا - أسماء جلال تحتفل بعيد ميلادها الـ 30 ... وأصدقاؤها يهدونها "غوريلا"

أحمد السقا ومها الصغير

وكشفت بسمة وهبة عن أن أحمد السقا كشف لها حقيقة التعليقات التي ظهرت على السوشيال ميديا عقب إعلان الطلاق قائلة: "أحمد قاللي أنا مكتبتش ولا حاجة من اللي إنتو شوفتوه على السوشيال ميديا، مكتبتش جملة واحدة دي أم عيالي وأنا لا يمكن أغلط فيها، ودي الجملة الوحيدة اللي أنا كتبتها".

وأضافت بسمة وهبة: "سألته إنت الأكاونت بتاعك حصل له هاكر، قاللي أول حاجة صفحات المشاهير والفنانين محدش بيدخل بنفسه يعلق ويرد على الناس، والبوستات اللي اتكتبت واتمسحت كتبتها أختي، وكل التعليقات اللي ظهرت مفيش منهم غير اللي كتبته لما صحيت من النوم ولقيت هيصة، واللي لقيته ضايقني جدا لإنه كان في حق أم أولادي".

أحمد السقا ومها الصغير

أوضحت بسمة وهبة أنها سألت أحمد السقا عن قريبة له تدعى سمر السقا، قامت بالإدلاء بتصريحات في عدد من الصفحات والمواقع، ليرد أحمد السقا قائلا: "ولا قريبتي ولا ليا علاقة بيها، دي واحدة من الفانز سمت نفسها سمر السقا، وأختي فضلت ترد عليها وده غلط طبعا، لكن أنا مش مسئول غير عن اللي قلته".

وأعلن الفنان أحمد السقا طلاقه من زوجته الإعلامية مها الصغير بعد زواج بعد زواج دام 26 عاما.

وأوضح أحمد السقا في منشور عبر حسابه على Facebook أنهما انفصلا منذ 6 أشهر والطلاق الرسمي وقع قبل شهرين.

وكتب أحمد السقا: "عشان الناس اللى بتسأل أنا والسيدة مها محمد عبد المنعم منفصلين منذ 6 شهور وتم الطلاق منذ شهرين تقريبا وأعيش حاليا لأولادي وعملي وأصدقائي المقربين وأمي وأختي وكل تمنياتي لأم أولادي بالتوفيق و(الستر)". (التفاصيل)