تامر حسني يوجه رسالة لمحمد سامي بعد إعلانه الاعتزال: المخرج الوحيد في تاريخ مصر اللي مفشلش ولا مرة

مي جودة | فى حياة المشاهير

تامر حسني ومحمد سامي

الخميس , 20 مارس 2025 - 11:45 | اخر تحديث: الخميس , 20 مارس 2025 - 11:54

وجه النجم تامر حسني رسالة للمخرج محمد سامي بعد إعلانه لاعتزال الإخراج التليفزيوني، يحثه فيها على العودة عن قراره.

كتب تامر حسني ردا على قرار محمد سامي: "أوعى تكون عايز تبعد عشان أي إحباط جايز يكون فعلاً في بعض المشاهد اللي الناس إنتقدتها و أنا شخصياً إستغربتها شويه و قولت جوايا أنك مش محتاج تعملها أصلاً لأن عندك الحقيقي والأهم بس على رأيك الفنون جنون أحياناً فكره مجنونه تنال الإعجاب و فكره لأ، بس ده ميخليناش ننسى إنها بعض مشاهد مش بعض أعمال لأنك بالفعل المخرج الوحيد في تاريخ مصر اللي مفشلش ولا مره".

تامر حسني ومحمد سامي

وتابع تامر حسني: يمكن الحظ محالفكش أوي في عمل ولا ٢ على مدار ١٤ سنة، ودي حاجه مينفعش الجمهور ينساهالك، أنت قدمت مسلسل "آدم" اللي جمع كل المصريين وكل الوطن العربي يتفرجوا عليه زي ماتشات الكوره، بسبب أنه أتكلم عن قضية تخص كل الوطن، وكان بداية لصورة جديدة أول مرة كانت بتتقدم في مصر، وبعدها "سبق الإصرار" و"حكاية حياة" اللي كانوا نقلة كبيرة في ديكورات الدراما المصرية وبعدين "الأسطورة" و"البرنس" و"جعفر العمدة"، اللي حققوا نجاحات ساحقة، وكانوا أعلى نسبة مشاهدات في الدراما بشكل عام، وبعدهم "نعمة الأڤوكاتو" و"إش إش" و"سيد الناس" اللي برضو كل واحد فيهم يا أعلى مشاهدة يا تاني أعلى مشاهدة.

محمد سامي يعلن اعتزاله الإخراج التليفزيوني: خايف من تشبع الجمهور من أسلوبي والوقوع في فخ التكرار

وأضاف تامر حسني: هزعل منك لو هتمشي محبط وأنت أنجح حد … الشجرة الخضراء الجميلة ساعات بيطلعلها ورق أصفر بسيط عادي بيتقص وبتفضل شجره كبيرة وجميلة وده التطوير الطبيعي للبني آدم، واللي بيمر بيه أي ناجح بيطور وعنده شخصية، بدليل مسلسلاتك بيتقال عليها مسلسلات محمد سامي، وتركيز الناس معاك دليل على حبهم لأعمالك، ورغم إن بعضهم بينتقدوها بس متابعينها حرف حرف، ونقدهم ليك بيبقى على قد حجمك وهي دي ضريبة الناجحين الكبار.

تامر حسني ومحمد سامي

واستكمل تامر حسني نصيحته لمحمد سامي كاتبا: "سافر وكمل حلمك وأنت منتصر بتاريخك وأوعى تُحبط، وأنا عارف إن محمد سامي اللي أكتشفته أنا وقدمته للصناعة وهو عنده ٢٧ سنة، لايمكن هيتهز، ممكن يزعل يومين ويراجع نفسه في مشاهد، أنا مبسوط منك أنك بمنتهى الشجاعة الأدبية أعتذرت على تقديمها، خد راحه شويه وإرجع أقوى من الأول، وأنا واثق من اللي هتسافر عشانه أنه قرار هيضيف نقلة كبيرة لمشوارك
أوعى تخلي الزعل من بعض المشاهد ينسيك أنت قدمت ايه للدراما".

واختتم تامر حسني تعليقة كاتبا: "ياريت قبل ما نقسوا على سامي بالطريقة دي، نفتكر هو أمتعنا سنين قد ايه بمسلسلاته، وأنا ذكرتها كلها عشان لو حد ناسي أفكره، وعشان لو هو محبط يجمد تاني، ربنا ينور طريقك وترجع أقوى وأقوى من أي وقت، واثق فيك يا حبيبي، وأنا هفضل أخوك الكبير، وفي ضهرك إن شاء الله طول العمر يا بطل".