محمد سامي يعلن اعتزاله الإخراج التليفزيوني: خايف من تشبع الجمهور من أسلوبي والوقوع في فخ التكرار

مي جودة | فى حياة المشاهير

محمد سامي

الخميس , 20 مارس 2025 - 10:53 | اخر تحديث: الخميس , 20 مارس 2025 - 11:54

أعلن المخرج محمد سامي اعتزاله الإخراج التليفزيوني ليبدأ مرحلة جديدة في حياته لم يكشف عنها بعد.

كتب المخرج محمد سامي عبر حسابه بموقع Facebook بيانا يعلن فيه اعتزاله، جاء فيه: "وداعا الدراما التلفزيونية
السنه دي كانت آخر أعمالي التلفزيونية، واللي فيها بودع المسلسلات، رحلة طويلة حولي ١٥ سنة، قدمت فيهم كل اللي قدرت عليه لإسعاد الجمهور العربي ، وحققت بفضل ربنا نجاحات مع نجوم كتير و مع شركات و قنوات كلها مهمة، و كان دايما الجمهور بيشجعني، سواء بردود الأفعال أو بتصويته ليا في الجوائز، و أي نجاح حققته كان بفضل ربنا و الجمهور".

وتابع محمد سامي: يمكن المقربين ليا عارفين إني واخد القرار ده من فترة وهو إعتزال الإخراج التلفزيوني و لكن كنت بنتهي من إلتزامات موقعة مع شركات و نجوم و الحمد لله إنتهيت منها وكان أخرها ٢٠٢٥، معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي و من الوقوع في فخ التكرار و دائرة المتوقع والملل، والوحيد القادر علي الدوام هو الله وحده، الحمد لله أخر عملين ليا إش إش وسيد الناس حققوا نجاح أنا سعيد بيه.

محمد سامي

وأضاف محمد سامي: كل يوم بلدي العظيمة مصر بتطلع صناع جداد موهوبين ومثقفين ويقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي، بشكر كل حد ساعدني في الرحلة وبشكر كل زميل منافسته كانت دافع للتميز.

ووجه محمد سامي اعتذاره للجمهور عن أي مشهد لم يلق استحسانهم، كاتبا: بعتذر عن أي مشهد قدمته أثناء الرحلة ولم يلقي إستحسان الجمهور أو إعجابهم في الأخر الفنان دايما بيجرب و الفنون جنون زي ما بيقولوا، أدعولي الفترة الجاية عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان و أجلتها كتير لحد مالقيت نفسي بكبر و خايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجه بيحبها عشان يعمل حاجة تانية بيحبها برضه و عايز يجربها بس محتاج عيلة تسانده علي إتخاذ قراره، كل التوفيق لكل زمايلي و بحبكم و بشكركم علي سنين المنافسة الجميلة اللي عملت أسمائنا كلنا وأتمني لنفسي التوفيق في الخطوة الجديدة.

يذكر أن محمد سامي قدم العديد من المسلسلات الدرامية الناجحة خلال 15 عاماً، وبدأ مشواره الفني بإخراج مسلسل "آدم" الذي قام ببطولته النجم تامر حسني وعرض في شهر رمضان 2011، وبعدها قدم أعمالا درامية ناجحة مع الفنانة غادة عبد الرازق، من بينها مسلسل "حكاية حياة" و"مع سبق الإصرار"، وتعاون بعدها مع النجم محمد رمضان في عدد من المسلسلات من بينها "الأسطورة" عام 2016، و"البرنس" و"جعفر العمدة" الذي قدمه عام 2023، وفي رمضان 2024، قدم "نعمة الأفوكاتو" من بطولة زوجته النجمة مي عمر، وهذا العام شارك في رمضان بمسلسلين هما "سيد الناس" لعمرو سعد و"إش إش " لمي عمر.

اقرأ أيضا:

سعيد رمزي: مي عمر متحفظة واخترنا بدل رقص محتشمة لـ "إش إش" لتناسب شهر رمضان ... فستان الزفاف صمم خصيصا لها

نقابة الموسيقيين تقرر منع هيفاء وهبي من الغناء في مصر

فيديو - المنتج أحمد السبكي: مبحبش أفلام محمد خان ومصطفى متولي: ولا أنا

#شرطة_الموضة: حقيبة فاخرة تستخدمها دنيا سمير غانم في "عايشة الدور" ... سعرها 181 ألف جنيه

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5