حسين فهمي: سعاد حسني لم تنتحر وهذه أدلتي

مي جودة | فى حياة المشاهير

حسين فهمي وسعاد حسني

السبت , 8 مارس 2025 - 22:48 | اخر تحديث: الأحد , 9 مارس 2025 - 10:48

تحدث النجم حسين فهمي عن الراحلة سعاد حسني مشككا في كل التحقيقات التي أكدت انتحارها.

قال حسين فهمي: "سعاد حسني مانتحرتش، مش متأكد أنها قُتلت، بس كان عندها إمكانية إنها تنتحر بطريقة أحسن من كدة، بتاخد أدوية مهدئة، ولو زودت الكمية هنتنحر، تاخد حبوب وتنام في السرير وخلاص، ليه تقص السلك وترمي نفسها، وسألت ناس ودكاترة، الإنسان اللي بيرمي نفسه مايقدرش يبعد أكتر من متر ونص، هي كانت على بعد 5 متر، واللي بيرمي نفسه بيبقى في دم، دي مكنش في دم حواليها! يعني الجثة كانت أصلا متوفية"، حسب تصريحاته في برنامج "العرافة" الذي تقدمه بسمة وهبة عبر قناتي "القاهرة والناس".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

حسين فهمي

وأضاف حسين فهمي: سعاد حسني مكنش عندها أزمة مادية، كان عندها فلوس في البنك آلاف الاسترليني وسحبتهم واختفوا! هي كانت راجعة مصر خلاص، أنا اعرف سعاد كويس أوي وسافرت معها وعشت معها برا.

وعن تفاصيل علاقتهما قبل الوفاة، قال حسين فهمي: "أنا كرمتها في مهرجان السينما، وقولت لها تيجي وقالت لي لا مش هقدر أجي، ومكنتش عايزة الناس تشوفها، شكلها مكنش سعاد حسني اللي إحنا عارفينها، وقولت لها طب سجلي لي كلمة أذيعها في المهرجان، وسجلت حوالي 10 دقائق، وكانوا كتير اوي على المسرح فاخترت منهم 3 دقائق في افتتاح المهرجان ودا كتير، بس دايما الناس بتتكلم، وكانت بتشكر الناس والمهرجان على التكريم، وكلمتني بليل عن رأي الناس، وقالت لي شوف لنا حاجة نعملها مع بعض وشوف لنا سيناريو حلو، وقولت لها طيب يا سعاد، ودا قبل الوفاة بـ3 أيام، معنوياتها كانت مرتفعة".

سعاد حسني

واستكمل حسين فهمي: سمير صبري عمل حلقات عن الموضوع دا، سعاد حسني كانت حقائبها جاهزة، وهي مكنش ليها أعداء، وعمر ما كان ليها أعداء، من الممكن ان يكون شخص داخل يعمل جريمة سرقة مثلا ولقها، وأنا بقول اللي عمل كدة مايعرفهاش، ممكن يبقى أجير أو داخل يسرق،

يذكر أن سعاد حسني توفيت في 1 يونيو 2001 في حادث شهير في انجلترا مازال لغزا حتى الآن.

اقرأ أيضا:

فيديو - أحمد الفيشاوي: ألهمت الشباب للتدين بالغلط ... ولقيت نفسي شيخ فجأة

#شرطة_الموضة: 113 ألف جنيه سعر حقيبة وحذاء بسمة بوسيل اللذان أثارا سخرية رامز جلال في رامز إيلون مصر"

رنا رئيس تكشف تفاصيل تعرضها للتحرش: كنا في تصوير "عصابة عظيمة" ... وواحد من المجاميع صورنا بالموبايل

لميس الحديدي تنتقد المسلسلات الشعبية: هو ليه كلها ردح وزعيق ولوي بوز وألفاظ عجيبة

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5