لميس الحديدي تنتقد المسلسلات الشعبية: هو ليه كلها ردح وزعيق ولوي بوز وألفاظ عجيبة

مي جودة | فى حياة المشاهير

لميس الحديدي

الجمعة , 7 مارس 2025 - 20:39

انتقدت الإعلامية لميس الحديدي انتشار الدراما الشعبية والألفاظ الخارجة في مسلسلات رمضان 2025.

كتبت لميس الحديدي عبر صفجتها الرسمية بموقع Facebook: "المسلسلات الشعبية (العشوائية) اجتاحت الموسم الرمضاني هذا العام، وربما تكون من الأكثر نجاحا والأكثر مشاهدة، الممثلين هايلين ونجوم ومشاهد العنف متقنة وكل حاجه، أنا بس عندى سؤال، هو ليه كلها ردح وزعيق ولوى بوز وألفاظ عجيبة، وليه بيخلوا الممثلين يتكلموا كده؟ التضجين، المط في الكلام، دي العامية المصرية أحلى لهجة، ليه بنحولها لعشوائية ونمحو ملامحها".

لميس الحديدي

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت لميس الحديدي: فيه فرق بين فن الواقع اللى كان يترأس مدرسته الأستاذ المخرج صلاح أبو سيف، وبين اللي احنا بنشوفه، أكيد فيه طبعا فئات بتتكلم كده نتيجة انهيار التعليم واجتياح اقتصاد التوك توك اللي عاث في حاراتنا وعقولنا فسادا، لكن احنا ليه بنرسخ الأسوأ؟ بنعلم الأجيال اللى بتتفرج على المسلسلات دى إيه؟ واللي بيحبوا الفنانين دول ايه؟ يتكلموا بنفس الطريقة؟ الممثل الأشطر اللى بيطجن، و الممثلة الأفضل هىي
اللي بتلوي بوزها و"تتشدق "اللبانه!.

واستكملت لميس الحديدي: طبعا ده مش معناه ان النموذج الصح هو "فن الكمباوندات" لأن ده برضه، لا يمثل المجتمع، لكن فيه ناس عادية عايشين فى مصر -و هم الأكثر- الفن تأثير، حذار من التأثير في الاتجاه الخاطىء، نجاح مسلسل لن يعوض الثمن اللى بندفعه لسنوات طويلة.

اقرأ أيضا:

بسمة بوسيل تصرخ في "رامز إيلون مصر": وحياة أمي ما هتنازل عن النفقة (فيديو)

طارق لطفي: ماتصلحتش مع أحمد حلمي ومعزنيش في أمي - فيديو

محمد سامي يرد على تصريحات طارق لطفي: لو أنت ترفض تقديم دور الشاذ فأنا قبلك أرفض أخرجه!

صابرين: فيلم "الملحد" رسالته عظيمة وأتمنى الناس تشوفه

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5