حسام حبيب يرد على مقدمة رامز جلال عنه: بيهزر لأنه عارف أن الكلام اللي بيقوله مش حقيقي

نهال ناصر | فى سينما وتلفزيون

حسام حبيب

الجمعة , 7 مارس 2025 - 10:03 | اخر تحديث: الجمعة , 7 مارس 2025 - 10:03

رد الفنان حسام حبيب على تعليقات الجمهور حول مقدمة رامز جلال في برنامج "رامز إيلون مصر" وما فعله به خلال الحلقة وإجباره على الاعتذار لشيرين عبد الوهاب.

وقال حسام حبيب في تسجيل صوتي لبرنامج ET بالعربي: "رامز أكيد بيهزر لأنه عارف أن الكلام اللي بيقوله مش حقيقي طبعا وأنا عارف أن رامز إنسان محترم ولو في حاجة حقيقية مش هيهزر فيها، بس هو هزاره تقيل شوية، أنا مكنتش أعرف هو هيقول إيه في المقدمة بتاعته بس أيا كان هو كله هزار واللي يزعل من الهزار بيصغر مخه ومفيش حاجة تزعلني ولا تهزني لأنه مش صح، وربنا يقدرني وأرد له المقلب".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

رامز جلال وحسام حبيب

وتابع حسام حبيب: "عايز أقول للناس اللي بتهاجم أنا لو زعلان، زعلان عليكم مش منكم الموضوع سهل جدا وبسيط ربنا قال "يا أيها الذين امنوا اذا جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين"، لما يتقال عن حد حاجة اسمعها واحتفظ برأيك متحكمش ومتهاجمش لأن هنا أنت ارتكبت ذنب، لأنك مش عارف الكلام صح ولا غلط وفي الحالتين الموضوع مش موضوعك".

نرشح لك: رامز جلال يسخر من حسام حبيب في "رامز إيلون مصر": صاحب أشهر قصة حب توكسيك في تاريخ الوسط الفني .. ومصنف كمصاص دماء

رامز جلال وحسام حبيب

وأكمل حسام حبيب: "أنا لو خايف خايف على الجمهور واللي قال لأن اللي بيعمل كده بينسى أن في ربنا وعارف كل حاجة والحكم ليه هو لو أنا غلطان حسابي عند ربنا ولو مش غلطان موقف صعب جدا بالنسبة لأي حد هاجم من غير ما يعرف".

وتابع حسام حبيب: "عايز أقول للناس اللي بتدافع كتر خيركم ومقدر حبكم بس اعملوا زيي أنا عمري ما دافعت وبقالي سنين بيتقال عني الكلام دا وعمري ما هنزل في المعركة دي أنا واثق من أفعالي وتربيتي".

وكان رامز جلال قال في مقدمة حلقة حسام حبيب ببرنامجه: "صاحب أشهر قصة حب توكسيك في تاريخ الوسط الفني، مصنف كمصاص دماء لضحاياه، ويعد دبور من دبابير الزن على ودان الباحثات عن الحب".

حسام حبيب في برنامج "رامز إيلون مصر"

وأضاف رامز جلال: "أفتكر إن فريسته سهلة وهيعرف يقلبها من سكات، اتجوزوا وعاشوا في تبات ونبات، وفجأة بدأت الخناقات والفضايح بقت للركب، والموضوع وصل لمد الإيد وبقى يسمع صريخهم القريب والبعيد، يقول لها إنت مجنونة وعنيدة، تقول له إنت سرقتني وخلتني على الحديدة، معانا المطرب الحساس، اللي مزعل منه كل الناس، الأمور الحبيب".