مروة صبري تهاجم آلاء عبد العزيز: تريند رخيص وفاشل وأهبل

محمد سليم | فى حياة المشاهير

مروة صبري وآلاء عبد العزيز

الأحد , 26 يناير 2025 - 21:05 | اخر تحديث: الأحد , 26 يناير 2025 - 21:05

هاجمت الإعلامية مروة صبري مقدمة البرامج آلاء عبد العزيز، بعد الجدل الذي أثارته في الأيام الماضية بحديثها عن معاناتها من اضطرابات نفسية.

وقالت مروة صبري خلال تقديمها برنامج "قعدة ستات" عبر قناة ألفا: "أنا النهاردة هحكي لكم عن مصيبة وكارثة وحاجة لا تصدق، من يومين تلاتة طلع علينا ظاهرة جديدة، واحدة كانت بتشتغل مذيعة اسمها آلاء عبد العزيز".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

آلاء عبد العزيز

وأضافت مروة صبري: "كل الدكاترة النفسيين بيقولوا إن اللي عنده فصام الشخصية ما يعرفش إنه مريض بالفصام".

أوضحت مروة صبري أنها حاولت التواصل مع آلاء عبد العزيز لاستضافتها في البرنامج قائلة: "حاولنا نتواصل معاها وكلمتها، وكلمنا أحد الدكاترة النفسيين يطلع معانا على الهوا وهي موجودة علشان يساعدها على العلاج، وأول سؤال سألته إنتو بتدفعوا فلوس. وقبل الهوا بساعة أو ساعتين قالت معلش مش هطلع في البرنامج إلا لو دفعتي 10 آلاف جنيه".

طالع أيضا - روبي بفستان أسود قصير في أحدث حفلاتها الغنائية

آلاء عبد العزيز

وتابعت مروة صبري: "أنا عايزة أساعدك وإنت بتساوميني على فلوس؟ إذا إنت مش مريضة، واعترفتي بنفسك وقلت أنا بعمل تريند ونجحت فيه واتشهرت، ومش هطلع في أي قناة إلا لو أخدت فلوس، إذا الموضوع سبوبة".

آلاء عبد العزيز

واختتمت مروة صبري قائلة: "إيه العبث ده؟ إنت نجحتي تعملي تريند، برافو، بس تريند رخيص وفاشل وأهبل".

وكانت آلاء عبد العزيز فاجأت جمهورها بتحولها المفاجئ بعد خلعها الحجاب وادعائها أنها مصابة بمرض نفسي.

ظهرت آلاء عبد العزيز في فيديو عبر حسابها بموقع Facebook وهي في حالة انهيار تام كاشفة أنها تعرضت لمرض نفسي أدى لتغيرات جذرية في حياتها، وقالت: "أنتم عارفين أنا مين وعارفين بوست مرضي، أنا آلاء عبد العزيز المذيعة الدينية الداعية الإسلامية.. أنا نمت صحيت لقيت نفسي قلعت الطرحة وبنزل بليل وبقيت واحدة تانية.. أنا مش فاكرة إني عندي بنت وبصحى الصبح مش فاكرة بنتي، عايزة حد يلحقني ويتبنى حالتي".

آلاء عبد العزيز

وفجأة تحول صوتها ونظرتها من المنكسرة للجريئة، وقالت: "أنا لي لي مش آلاء.. أنا الأصل أنا المُزة.. مذيعة دينية مين، أنا الأصل يا حلوين، ولا هخف ولا نيلة، أنا اللي جاية".

وكانت آلاء نشرت صورة لها بالحجاب وأخرى من دونه مع صورتين للنجمة الراحلة سعاد حسني من فيلم "بئر الحرمان"، وعلقت كاتبة: "جماعه أنا عاوزه اعترف لكم اعتراف، أنا مريضه بجد، أنا مريضه حاليا عندي حاله انفصام شخصية وانتكاسة نوبة هوس، دي مش أنا، دلوقتي أنا آلاء عبد العزيز إللى بتكلمكم، التانية دي مش أنا، أنا مش فاهمه حاجه ولازم اتعالج، أنا بتدمر، الشخصية دي بتدمرني، ده الدكتور بتاعي شادي محمد شرف، تشخيص حالتي عنده محدش ينتقدني، بتحبوني ساعدوني".

اقرأ أيضا:

نجوى كرم بإطلالة فضية لامعة في حفل العاصمة العمانية مسقط

رمضان 2025 - أحمد أمين وصدقي صخر بالطربوش في كواليس مسلسل "النُّص"

لطيفة تشارك في فعاليات "أسبوع الخير" وإطلاق القافلة الشاملة لدعم قطاع غزة

وسط الثلوج … ياسمين صبري تتابع مباراة "بولو" في سويسرا

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5