مروة صبري تهاجم منتقدي ظهور نشوى مصطفى في برنامجها عقب وفاة زوجها بفترة قصيرة: إنتو مش بشر!

محمد سليم | فى سينما وتلفزيون

مروة صبري ونشوى مصطفى

الاثنين , 13 يناير 2025 - 20:40 | اخر تحديث: الاثنين , 13 يناير 2025 - 20:40

هاجمت الإعلامية مروة صبري منتقدي ظهور الفنانة نشوى مصطفى على الشاشة لتقديم برنامجها التليفزيوني، عقب فترة قصيرة من وفاة زوجها.

وقالت مروة صبري خلال تقديم برنامج "قعدة ستات" عبر قناة ألفا: "الست دي على المستوى الإنساني قمة في الاحترام والإنسانية والأخلاق والرقي، وجوزها توفى من أسبوعين ونزلت شغلها، وأول حلقة تطلع في برنامجها كانت لابسة إسود وقميص وجاكيت مقفولين، ولامة شعرها وطالعة منهارة من العياط".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

نشوى مصطفى

وأضافت مروة صبري: "غير الناس المحترمة اللي ترحمت على جوزها، ناس تانية طالعة تقول لها كنت حطي طرحة على راسك، في واحدة زعلانة على جوزها تطلع في برنامجها بمكياج كامل؟ عندك طاقة تكلمي الناس علشان تشتهري وتاخدي فلوس ومش فارق معاكي موت جوزك وشهور العدة؟"

نشوى مصطفى

وتابعت مخاطبة مهاجمي نشوى مصطفى: "حرام عليكم إنتو مش بشر، والدنيا دوارة والمواقف بتحصل لنا كلنا، إنتو عديتوا مرحلة المرض النفسي، ومحتاجين تخشوا على مستشفى المجانين وتلبسوا القميص الأبيض بالعكس".

طالع أيضا - رمضان 2025 - هند عبد الحليم تشارك في مسلسل "ضل حيطة" لـ ياسمين صبري

ووجهت مروة صبري رسالة لنشوى مصطفى عبرت فيها عن تعاطفها قائلة: "ربنا هو اللي هيطبطب عليكي، متبصيش على أمراض السوشيال ميديا، واطلعي شوفي شغلك وأنجحي وكملي مشوارك".

نشوى مصطفى

كانت نشوى مصطفى ردت على أي انتقاد قد يوجه لها كونها خرجت وظهرت عبر شاشات التليفزيون وهي في فترة العدة بعد وفاة زوجها.

نشوى مصطفى

وقالت نشوى مصطفى في برنامجها "بنت البلد" عبر قناة "cbc سفرة": "أنا سألت الأفاضل أصحاب العلم في فكرة إني أنزل اشتغل لأن أنا مرتبطة بتعاقدات ومرتبطة بأشياء أخرى شخصية مينفعش أتسول أو استلف، يعني الحمد لله مستورة جدا بفضل زوجي ولكن أنا مرتبطة بمصالح ناس مقدرش أضر فيها".

وتابعت نشوى مصطفى: "قيل لي من أصحاب العلم إن الخروج للعمل مش حرام والخروج للطبيب لأن أنا مريضة قلب وكنت لسه من 3 شهور مركبة 3 دعامات فلازم بشكل دوري أنزل للدكتور كل شهر أعمل إيكو وأتابع حالة القلب لأن أنا قلبي كمان كفاءته أقل من المفروض تكون، الشيوخ الأفاضل قالولي النزول للأطباء يجوز والنزول للعمل طالما أنا مش صاحبة العمل أنا بشتغل عند ناس أنا متعاقدة مع ناس، لكن الخروج للتسوق أو للزيارات العائلية أو الترفيه دي اللي ممنوعة ولازم يحصل فيها العدة".

اقرأ أيضا:

رمضان 2025 - إنجي كيوان مع عمرو سعد في "سيد الناس"

آية سماحة وأحمد مالك شافوا إيه في أول مرة سينما؟ .. فيديو

عمر متولي وشكري سرحان ... "لحوم الفنانين مسمومة"

تغريم البلوجر سوزي الأردنية 300 ألف جنيه وإلغاء عقوبة حبسها

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5