محمد العمروسي: مي فاروق الرزق اللي ربنا بعتهولي

نهال ناصر | فى حياة المشاهير

محمد العمروسي ومي فاروق

السبت , 11 يناير 2025 - 13:10 | اخر تحديث: السبت , 11 يناير 2025 - 13:10

تحدث الفنان محمد العمروسي عن زوجته مي فاروق وكيف التقيا صدفة لتكون بداية قصة حبهما.

وقال محمد العمروسي خلال لقائه في برنامج "بالمايك والقلم" مع عبد العزيز أحمد: "مي فاروق الرزق اللي ربنا بعتهولي أنا اتعرفت عليها بالصدفة شعور لما تبقى ماشي في ضلمة وفجأة تلاقي النور، هي وشها حلو عليا جدا وجات نورت حياتي، الحياة استقرار، استقرار روحك وأنا روحي استقرت معاها ودي كانت أهم حاجة بالنسبة ليا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

مي فاروق ومحمد العمروسي

وعن أول لقاء جمعهما حكى محمد العمروسي: "اتقابلنا في فرح المخرجة بتول عرفة وهاني الطمباري، أنا كنت متضايق ومش عايز أروح الفرح وهي كذلك، صديق ليا ألح عليا وروحت الفرح وهي كمان واتقابلنا ولما حكينا لبعض المواقف عرفت أن ربنا بيقربنا من بعض وعايزنا نتقابل".

نرشح لك: بخور وقراءة قرآن … طقوس يسرا قبل تصوير أعمالها

محمد العمروسي ومي فاروق

وأكمل محمد العمروسي: "هي بالنسبة ليا ست البنات مش بشوف حد غيرها وهي حاجة كبيرة أوي بحترمها وهي بتحترمني وبتمنى ليها كل التوفيق والسعادة".

على جانب آخر، ردت مي فاروق على الانتقادات التي وجهت لها بعد حفل زفافها على الفنان محمد العمروسي.

وقالت مي فاروق في مداخلة هاتفية مع الإعلامي عمرو أديب ببرنامجه "الحكاية": "أنا معملتش حاجة أنا اتجوزت بس والحمد لله كان يوم حلو وكل الناس اللي كانت موجودة كانت جايه بحب وفرحة، كل الفنانين والناس وولادي كانوا فرحانين وكان يوم جميل لكن معرفش بعد كده إيه اللي حصل مش فاهمة".

محمد العمروسي ومي فاروق وأولادها

ووجه عمرو أديب سؤالا لمي فاروق إن كان لها أعداء هم وراء حملة الهجوم عليها عبر مواقع التواصل الاجتماعي لتجيبه: "أنا معرفش عندي أعداء ولا لأ لكن كل الناس اللي في حياتي علاقتي بيهم طيبة الفكرة أن إرضاء جميع الناس غاية لا تدرك وأنا مبعملش حاجة عشان أرضي الناس كل اللي يهمني أرضي ربنا وأكون أم ولادي يفتخروا بيها طول الوقت وأعمل اللي ربنا قالي عليه في الحلال مليش دعوة الناس بتقول إيه ومعرفش هما بيعملوا كده ليه ولا بيقولوا كده ليه بس دي آرائهم وهما أحرار".

وكانت مي فاروق احتفلت بزفافها على محمد العمروسي يوم 2 يناير 2025 وسط حضور عدد من النجوم.