محمد العمروسي يرد على انتقادات زواجه من مي فاروق: مجتمع بقى مريض لدرجة تخوف

نهال ناصر | فى حياة المشاهير

مي فاروق ومحمد العمروسي

الاثنين , 6 يناير 2025 - 15:01 | اخر تحديث: الاثنين , 6 يناير 2025 - 15:01

رد الفنان محمد العمروسي على تعليقات وانتقادات الجمهور لحفل زفافه على الفنانة مي فاروق.

وكتب محمد العمروسي عبر حسابه على Facebook: "فعلا الفاضي يعمل قاضي، مجتمع بقى مريض لدرجة تخوف بس ده مش جديد عشان كده بنقول الذئاب تعوي والقافلة تسير مع احترامي للذئاب والله".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

محمد العمروسي يرد على المنتقدين

وكانت مي فاروق ردت هي الأخرى على الانتقادات وقالت في مداخلة هاتفية مع الإعلامي عمرو أديب ببرنامجه "الحكاية": "ليه مقولش إني بتجوز قدام الدنيا كلها أنا طول عمري بحاول طول الوقت أعمل كل حاجة مظبوطة، يوم ما بعد 6 سنين أنا أم لأولادي لوحدي ومسئولة عن ولادي وشغلي بس يوم ما أقرر أتجوز أنا واحدة ست عايزة تتبسط وولادي يتبسطوا بيا ومعايا ونفرح ونعمل قدام الدنيا كلها إن أحنا بنعمل حاجة حلوة ترضي ربنا ومبسوطين إيه المشكلة إني عملت، يضايق الناس في إيه؟".

نرشح لك: مي فاروق ترد على انتقادات حفل زفافها: عملت إيه يضايق الناس؟

حفل زفاف مي فاروق

وتحدثت مي فاروق عن تعليقات الجمهور على صور أولادها وتحليلهم لنظراتهم لها وقالت: "الحاجة اللذيذة اللي بتفرج عليها أن الناس بدأت تحلل نظرة ابني ليا ونظرة بنتي ليا ويقولوا أكيد قلبها موجوع، وبعدين أنا الناس محدش يعرف عن حياتي الشخصية حاجة ومحبش أنه ميعرفوا كل اللي حبيت أنهم يعرفوه إني اتجوزت لكن التفاصيل لأ، بس أنا أولادي نمرة واحد في حياتي وكل حاجة بتيجي بعدهم لو أولادي مش مبسوطين ومباركين وراضيين وهما اللي عايزين دا أنا مش هعمله، أنا مليش دعوة بالناس أنا ليا دعوة بالأشخاص اللي ربنا مديهوملي أمانة وبحاول طول الوقت أكون ست قد مسئوليتهم وأم كويسة ويفتخروا بيها".