محمد سعد: عرض علي أعمال كثيرة من 2019 ولم أجد ما يحقق رغبتي إلا في "الدشاش"

مي جودة | فى حياة المشاهير

محمد سعد في عرض الدشاش

الأحد , 5 يناير 2025 - 02:32 | اخر تحديث: الأحد , 5 يناير 2025 - 02:34

تحدث النجم محمد سعد عن نجاح أحدث أفلامه "الدشاش" الذي حقق أعلى إيرادات في أول أسبوع من عام 2025.

قال محمد سعد: "سر الخلطة هي من عند ربنا سبحانه وتعالى، هي لما بتيجي وقتها وفي فرصة الواحد ينفذ حاجة نفسه يعملها والجمهور يطلبها منه، المسألة صعبة إني ألاقي الورق اللي يتماشى مع كل كلمة بسمعها في الشارع وأنا ماشي، عايزين نشوفك في كذا، عايزين شخصية كدة فكرة عايزنها بالشكل دا، المشاهد اللي شوفناها منك في الكوميدي عايزنها منك تراجيدي، كان صعب الاقي ورق اللي يقدر الجمهور يشوف بيه محمد سعد بالشكل دا، وأتمنى يكون خطوة في الطريق"، خلال مكالمته الهاتفية لبرنامج "حديث القاهرة" الذي تقدمه كريمة عوض عبر شاشة "القاهرة والناس".

محمد سعد

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع محمد سعد: انا من أيام اللمبي وأنا مابتوقعش أي حاجة، أنا ببص على السلمة اللي أنا واقف عليها، وبديها حقها والشغل، وزي ما توديني، تطلعني السلمة التاسعة العاشرة الخامسة، انا راضي باللي مكتوب لي، ولكل مجتهد نصيب

وأضاف محمد سعد: أن الناس تقول حالة فنية نادرة بالنسبة لي، أنا كنت مستنيها وليا شوق ليها، أنا مش بقول إنه عامل واصل للكمال بس هو خطوة وكإني بخبط على الباب وبقول للناس وهو دا الطعم واللون لو عايزين من دا، الحمدلله موجود، بندور على ورق كويس وبنعمل أحسن من كدة وأجمل بإذن الله طول ماانتم متابعنا وبترشدونا وبتقولوا لنا

واستكمل محمد سعد: من 2019 كان بيتعرض علي ورق كوميدي، وأنا خلاص حتة الكوميدي دي اعتقد الناس عرفينها، وكانت أول خطوة ليا في الكنز، وتمنيت ورق زي كدة بس مكنش في حاجة ينفع تكون موثوق فيها تقدمني بالشكل اللي حبينه فيه وأنا حبه.

محمد سعد

وعن حصره في دور اللمبي، قال محمد سعد: "أنا والمنتج منا شركاء في حبسي في دور اللمبي والكوميدي، هو كان بيعرض علي شغل بالشكل دا عشان عارف ان محمد سعد كويس في المنطقة دي ومن حقه إنه يكسب، وأنا في الأول كنت فرحان بحتة الإيرادات، لكن بيبقى في الآخر الخبرة، كل ما الواحد بيشتغل أكتر يزداد خبرة أكتر، كل ما تكون المشورات والناس اللي حواليه فنيا بيفيدوه، دا بيخليه يوصل لحتة زي انهاردة (الدشاش) كل وقت له آدانه، حتى النضج وإني بدور في حتة، ممكن تكون اجتهادات شخصية مني، وربنا مقدر لي حاجة كويسة تكون بداية الخطوة الجديدة، والطريق طويل في الموضوع دا".

فيلم "الدشاش" بطولة محمد سعد، زينة، باسم سمرة، نسرين أمين، نسرين طافش، خالد الصاوي، أحمد الرافعي، مريم الجندي، تأليف جوزيف فوزي، وإخراج سامح عبد العزيز، وإنتاج محمد رشيدي.