ويزو: العودة للمدارس بالنسبة لي في طفولتي كانت خرطوم يطوح فينا الضرب

مي جودة | فى حياة المشاهير

ويزو

الخميس , 28 نوفمبر 2024 - 13:11 | اخر تحديث: الخميس , 28 نوفمبر 2024 - 13:11

تحدثت الفنانة ويزو عن طفولتها وذكرياتها في المدرسة خلال فترة الابتدائي والإعدادي خلال حلولها ضيفة في بودكاست "فايق ورايق" الذي يقدمه الإعلامي ابراهيم فايق.

قالت ويزو: "الـBack To School (العودة للمدارس) هذه الأيام عبارة عن شراء حقائب بعجل وSupplies، عندنا في البيت كانت خرطوم بيطوح فينا الضرب عشان نعرف أن الدراسة بدأت، كل سنة وأنتم طيبين عام دراسي سعيد، وأنا اللي كنت بتضرب، اخواتي الاتنين كانوا بيستخبوا ورايا، وأنا اللي اخد العلقة كلها".

وتابعت: والله العظيم كنا بنجيب مجموع في التسعينيات، 97 و98%، بس ماما مكنش بيعجبها كانت بتقول لنا الـ3% راحوا فين؟ لحد ما جبت لها 85% في أولى إعدادي سكتت، هي ضبطتني بعدها ورجعت تاني، كان وقتها بتحدفنا بالكراريس، كبرنا، بكف ايديها كدة تدينا.

واستكملت قائلة: أنا كنت بعشق المدرسة، أنا لما اتعاقب ماتدونيش المدرسة، كنت ببقى عايزة اهرب من البيت اروح المدرسة، بلاقي نفسي فيها، كنت طول عمري أطول واحدة وأعرض واحدة في الفصل، لدرجة إن ماما كانت بتخاف تاخدني معها الشغل عشان هتحسد، كنت بخلص سندويتشاتي في أول حصة، وكنت في ابتدائي، اطلع لأختي في اعدادي اسألها معاك سندويتشات؟ وكان لعبي كله مع الولاد عشان البنات بتتقمص وتعيط، كنت بمسك الولاد اخبطهم في بعض، وطلعوا عليّ في 5 ابتدائي اسم "ماما عضلات".

اقرأ أيضا:

سالي عبد السلام تعلن فقدانها توأمها برسالة مؤثرة: ليا بيتين فى الجنة .. اخترت الاخرة و الابقى يا الله

#شرطة_الموضة: ياسمين صبري بفساتين قصيرة من Prada وتسريحة شعر ملفتة

هالة صدقي تبرئ عمر زهران من سرقة مجوهرات زوجة خالد يوسف

ويجز يرد على رامي صبري: سامحتني قبل ما اعتذر؟ أنت لسه صغير أوي بالتوفيق يا مجتهد يا شاطر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5