عمرو أديب: كان يوم أسود يوم ما دخل "الڤار" مصر ... المسألة بسيطة هاتوا الأهلي بكرا وأدوله الدرع

نهال ناصر | فى سينما وتلفزيون

عمرو أديب

السبت , 9 نوفمبر 2024 - 11:11 | اخر تحديث: السبت , 9 نوفمبر 2024 - 11:11

عبر الإعلامي عمرو أديب عن استيائه من الحالة التي وصلت لها كرة القدم المصرية، وما يحدث في التحكيم خلال المباريات والاعتراضات التي تحدث بعد كل كرة وكل مباراة.

وقال عمرو أديب خلال برنامجه "الحكاية": "كرة القدم في مصر في خطر، أنا شفت ماتشين بتاع زيد وسموحة أهلي وزمالك يا جماعة اللاعيبة كل كرة بيعملوا مؤتمر مع الحكم، يروحوا ويقفوا ويقولوا لازم تروح تشوف "الڤار"، كان يوم أسود يوم ما دخل "الڤار" مصر، كنا بنخلص كان الحكم يقول جول يبقى جول أو مش جول وخلاص، إيه كمية الاعتراض والعنف في الملعب مفيش ثقة سقطت الثقة 100% بالحكم المصري، مفيش حد بيثق في حكم مصري النهاردة بعد الحاجات اللي حصلت واللاعيب مش بيحترم الحكم في الملعب والحكم بقى مرعوش".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

الأهلي

وتابع عمرو أديب: "الإرهاب الكروي اللي بقى بيتعمل على مواقع التواصل الاجتماعي من الجمهور، دا يقول أصل أنتوا متحيزين للزمالك ودا يقول أصل أنتوا متحيزين للأهلي، وبمناسبة التحيز يا جماعة المسألة بسيطة هاتوا الأهلي بكرا وأدوله الدرع ليه نتعب نفسنا ومصاريف ولاعيبة رايحة وجاية".

نرشح لك: أحمد العوضي ونبيلة عبيد وبشرى وعبير صبري من بينهم … النجوم في حفل حسين الجسمي بالأهرامات

الزمالك

وأكمل عمرو أديب: "أهم عنصر في اللعبة دي العدل لو مفيش فأنا ببشر حضراتكم إننا على أبواب مصيبة وكارثة كروية، واللاعيبة دي مش هينفع تلعب في مسابقات دولية لأنه اتعود يروح للحكم ويزعق له والحكم يسمع كلامه في الأهلي والزمالك، لو معندكش حكام هات من برا والفرق تساهم بمبالغ وخلاص، واتحاد الكرة ضعيف جدا والحمد لله إنه ماشي قريب".

عمرو أديب

واختتم عمرو أديب كلامه: "في بلد الكرة فيها عاملة كده بالدراع والإرهاب أنتوا بتدمروا الكرة المصرية تماما، في خطر شديد على كرة القدم في مصر وبقول لحضراتكم شكل الموسم دا ممكن ميكملش".